دادگەها بلند یا فیدرالی پێنج سکالا ل دژی هەرێما کوردستانێ رەتکرن
دادگەها بلند یا فیدرالییا عێراقێ پێنج سکالا ل دژی هەرێما کوردستانێ رەتکرن، کو چار ژ وان ل دژی بڕیارەکا 34 سالێن بەرێ بوون، یا پێنجێ ژی ل سەر بابەتێ موچەی بوو.
ئەڤرۆ چارشەمبی 19ێ تەباخا 2026 ێ، دادگەها بلند یا فیدرالی چار سکالا گوتۆبێژ کرن، كو ژلایێ وەزیرێ دارایی یێ فیدرالی، بانکێن ڕەشید و رافیدەین، و ڕێڤەبەرێ گشتیییێ کۆمپانیا دلنیایی یا نیشتمانی یا عێراقی ل دژی حکومەتا هەرێما کوردستانێ هاتبوونە تۆمارکرن، تێدا داخواز کربوون کو بڕیارەکا جڤاتا وەزیران یا هەرێما کوردستانێ، یا کو ل 24ێ چریا دووێ ل 1992 هاتبوو دەرخستن، ب نەدەستووری بهێتە ناساندن.
بەلێ دادگەها فیدرالی هەموو سکالا رەتکرن دیار كر: ئەڤە د تایبەتمەندییا وێ دادگەهێ دا نینە.
