مەکتەبا سیاسییا پارتی: سوپاسییا هەموو وان کەس و لایەنان دکەین یێن 16ـێ تەباخێ ل مە پیرۆزکری

دەقێ ڕاگەهدنا مەکتەبا سیاسییا پارتی دیموکراتی کوردستان ب هەلکەفتا 16ێ تەباخێ؛

ب ناڤێ مەکتەبا سیاسی و کۆمیتەیا ناڤەندییا پارتی دیموکراتی کوردستان، سوپاس و پێزانینێن خۆ ئاراستەی سەرۆك، سکرتێر، ئەمیندار و مەکتەبا سیاسی و سەرکردایەتییا حزب و لایەنێن کوردستانی و عیراقی، سیاسەتڤان و حزبێن تێکۆشەرێن هەر چار پارچەیێن کوردستانێ، سەرۆکوەزیران و بەرپرسێن حکومەتا عیراقێ و سازیێن دەولەتێ و هەڤپەیمان و فراکسیۆنێن پەرلەمانی، هەروەسا سوپاسییا نوێنەرێن وەلاتان ل هەرێما کوردستانێ و عیراقێ، سیاسەتڤان و کەسایەتییێن وەلاتێن دۆست، ڕێکخراوێن جڤاکێ مەدەنی و ناڤەند و سازیێن زانستی و ئەکادیمی و میدیایی و کەسایەتییێن ئایینی و جڤاکی و نوونەرێن پێکهاتەیان و فەرماندە و پێشمەرگەهێن قارەمان و خەلکێ وەفادارێ کوردستانێ و هەموو وان کەس و لایەنان دکەین، یێن ل ڕۆژا 16 تەباخێ د سالڤەگەرا دامەزراندنا پارتی دیموکراتی کوردستان و سالڤەگەرا ژدایکبوونا سەرۆك بارزانی، ب پەیام و پیرۆزباهیێن خۆ د وێ ڕۆژێدا پشکدار بووین.
پەیامێن وە بۆ سەرۆك مەسعود بارزانی و مەکتەبا سیاسی و ئۆرگانێن دی یێن پارتی، هەلگرێ گیانێ بۆچوونا برایەتی و هاوخەباتی و پێکڤەبوونێ نە، ل هەمبەر دا پێزانینێن مە یێن مەزن هەنە و سوپاسییا هەوە دکەین.
سوپاس و دەستخۆشییا مە بۆ ئۆرگان، کادیر و ئەندام و جەماوەرێ دلسۆز و سەربلندێ پارتا مە هەیە، کو ب جۆش و خرۆش و گیانێ بلندێ پارتایەتییێ ئەو ڕۆژا مەزن سازیێن میدیایی و کەنال و دەزگەهێن ڕاگەهاندنێ و سۆشیال میدیا یا پارتی ب بلندی و پیرۆز ڕاگرتی.
جارەکا دی سوپاسییا خۆ دیاردکەین و هیڤیدارین هەموو لایەك د سەرکەڤتی بن.
مەکتەبا سیاسییا پارتی دیموکراتی کوردستان