پۆلیسێن پارێزگەھا ھەولێرێ دوو ژن ب تومەتا دزیکرنێ دەستەسەرکرن ھەردوو ژنان ژی دان ب تاوانا خۆ کریە.
رائید ھۆگر عەزیز پەیڤدارێ پۆلیسێن ھەولێرێ بو خانی نیوز دیارکر: پشتی تیمێن وان لاژیێ دوو وەلاتییان ڤە ھاتینە ئاگەھدارکرن و کو پارێن وان ل سەر رێکا د ناڤبەرا ھەولێر و خەبات دا ھاتینە دزین و پۆلیسێن نەھێلانا گونەھبارییان دەست ب ڤەکۆلینان کرن و شییان دوو ژنان ب ناڤێ ( ی.س.) و ( چ.س) ب تومەتا وێ دزیێ دەستەسەربکەن.
ناڤبری خویاکر ژی: دەمێ ئەو ژنە دگەل شوفێران سیار دبوون ئیک ژ وانا شوفێر مژیل د کر دگەل دا د ئاخفت، دەلیڤە بۆ یا دی ژی چێدبوو ل ناڤ ترۆمبێلێ چ ب دەست کەفتبا د دزی. گوت ژی: وان ژنان ٦ ھزار دۆلار و ٢ ملیۆن ٥٥٠ ھزار دینار دزینە.
ب گۆتنا پەیڤداری پۆلیسێن ھەولێرێ: لاپەرێن ڤەکۆلینێ بۆ وان ھاتینە ڤەکرن ل دووڤ مادی ٤٤٦ دێ ھێنە سزادان.
خانی نیوز، عەبدوللا عەلی
