سەرۆکێ حکومەتا ھەرێما کوردستانێ پێشوازی ل وەزیرێ داد یێ حکومەتا فیدرال یا ئیراقێ کر و ھەماھەنگی و ھەڤکارییا دەستھەلاتا دادوەری و سازیێن حکومەتێ گۆتوبێژ کر.
مەسروور بارزانی و سالار عەبدولستار د روونشتنەکێ دا بەحس ل ھەماھەنگی و ھەڤکارییا دەستھەلاتا دادوەری و سازیێن پەیوەندیدار یێن حکومەتا ھەرێما کوردستانێ و حکومەتا فیدرال کر، ب تایبەت ھەماھەنگی د وارێ پشکداریکرنێ د کۆر و کۆنفرانسێن ناڤدەولەتی دا.
مەسروور بارزانی و سالار عەبدولستار دوپاتی ل گرنگیا رێزگرتنێ ل مافێن مرۆڤی و قەرەبووکرنا زیانڤێکەفتی و کەسوکارێن ئەنفالکرییان و قوربانیێن کیمیاباران و خرابکرنا گوندان ژ ئالیێ رژێما بەعس ڤە کر.
مەسروور بارزانی داخواز کر وەزارەتا داد یا فیدرال و دامودەزگەھێن دادوەری یێن ئیراقێ، رۆلێ گرنگ و ئەرێنی د رێگرتنێ دا ل کارێن نەقانوونی و دەستدرێژیا ل سەر مال و مولکێ وەلاتیێن کورد ل دەڤەرێن کوردستانی بگێرن و رێ ل سیاسەتا گوھۆرینا دیمۆگرافییا وان دەڤەران بگرن.
![](https://www.xaninews.com/wp-content/uploads/2021/02/viber_image_2021-02-01_14-14-38-300x179.jpg)