شاندا بلندا حکوومەتا ھەرێما کوردستانێ ب سەرۆکایەتییا قوباد تالەبانی، ل گەل نوری مالیکی سەرۆکێ ئیتیلافا دەولەتا قانوونێ کۆمبووینە، و داوی پێشھات د ناڤبەر ھەڤلێرێ و بەغدادا دەربارەیی بودجا سالا ٢٠٢١ێ یا ئیراقێ گۆتوبێژکرن و ھەردوو لا ژی ئێک بۆچوون بوون ل سەر پێدڤیاتییا چارەسەرکرنا پرسێن بودجەی ژبۆ ھندێ داکو پەرژەوەندیا ھەموو لایان تێدا بیت، و پشتی ھینگێ ژی خۆ تەرخان بکەن بۆ بەرھنگاربوونا کێشەیێن بنەرەتی وەکی مەترسیا تیرۆرێ و سەرھلدانەڤەیا داعشێ و دوسە و ئاریشێن سالێن بۆری. ل دۆر وێ سه‌ره‌دانێ نڤێسینگه‌ها قوباد تاله‌بانى راگه‌هاند: نورى مالیكى پشته‌ڤانییا خۆ بۆ رێككه‌فتنا هه‌رێم و به‌غدا ده‌ربرى.
بریارە ئەڤرۆ دوشەمبی جارەکا دی شاندا دانوستانکارا ھەرێمێ ب سەرۆکایەتییا قوباد تالەبانی ب مەرەما گۆتوبێژان و ئێکلایکرنا ئەوان پێشنیاران دەربارەی پشکا ھەرێمێ و دوسەیا نەفتێ ل گەل لیژنا دارایی یا پەرلەمانێ ئیراقێ کۆمببیت و پرسا پشکا بودجا پارێزگەھان، ھژمارا پلێن دامەزراندنێ ل وەزارەتێن حکوومەتێ و بابەتێن پێدڤی بھێنە ئێکلاکرن و دانوستاندن دەربارەیی وان بھێنە کرن.
