یوسف محەمەد بەرپرسێ لژنا بەلاڤکرنا گازێ ل دەڤەرداریا دھۆکێ بۆ خانی نیوز دیارکر: د ڤێ حەفتیێ دا دێ دەست ب دابەشکرنا گازا سپی ل سەر وەلاتییان ھێتەکرن، گۆت ژی: سوبەھێ رۆژا سێ شه‌مبی ٢-٢-٢٠٢١ دێ ب رێکا برێکارێن ئاھێن خوارنێ پلێتێن گازا سپی ل سەر خێزانان ھێنە بەلاڤکرن، ھەر خێزانەک ژی دشێت بچیتە ئەو پانزینخانەیا بۆ دھێتە دیارکرن بەھرا خۆ یا گازا سپی وەرگریت.
بەرپرسێ لژنا بەلاڤکرنا گازێ ل دەڤەرداریا دھۆکێ گۆت ژی: بەلاڤکرنا گازێ دی ب چەند قوناغه‌كان بیت، سوبەھی دێ پلێت ل دەڤ ٢٤ وەکیلیێن ئاھێن خوارنێ هێته به‌لاڤكرن كو دبنە ٥ ھزار ٣٩ خێزان، دشێن بەھرا خۆ یا گازێ وەرگرن، بۆ ھەر خێزانەکێ ژی ٢٠٠ لیتر ب بھایێ ٤٠ ھزار دیناران دێ ھێنە دان.
