سەرۆکێ دەستەیا وەبەرھێنانێ ل ھەرێما کوردستانێ راگەھاند، پشتی دو سالان خواندن بۆ دروستکرنا کارگەھەکا داگرتنا ئاڤکا باجانسۆرکان ل ھەمی پارێزگەھێن کوردستانێ ھاتییە کرن، بریار ھاتە دان ئەو کارگەھـ د ئەڤسالە دا ل پارێزگەھا دھۆکێ بھێتە دانان.
دکتۆر محەمەد شوکری، سەرۆکێ دەستەیا وەبەرھێنانئ ل ھەرێما کوردستانێ بۆ خانی نیوز گۆت: دروستکرنا کارگەھا داگرتنا ئاڤکا باجانسۆرکان ل پارێزگەھا دھۆکێ دێ بیتە ھۆکارەک کو بەرھەمێ وان جۆتیارێن باجانسۆرکان دچینن بلندتر بیت و دەلیڤا کاری بۆ خەلکەکێ دی بھێتە ڤەکرن.
گۆت ژی: ب ھیڤی نە کو بشێن کارێ حکومەتێ ل سەر باشترکرنا بەرھەمێ چاندنێ خورتتر بکەن و رێکێ ل ھاتنا بەرھەمێ بیانی بگرن و پشتبەستنێ ل سەر بەرھەمێ خۆمالی بکەن.
خانى نیوز، چنار ئه‌حمه‌د
