فوئاد حسێن، وه‌زیرێ ده‌رڤه یێ ئیراقێ و محه‌مه‌د جه‌واد زه‌ریف، وه‌زیرێ ده‌رڤى یێ ئیرانێ، ھاریكاریێن دوو قۆلى د ناڤبه‌را به‌غدا و ته‌هرانێ دا گۆتوبیژ كرن.
ئاژانسا نوچه‌یێن فه‌رمى یێن ئیراقی به‌لاڤكرینه، كو فوئاد حسێن د چارچۆڤی سه‌ره‌دانا خۆ دا بۆ ته‌هرانێ ل گه‌ل محه‌مه‌د جه‌واد زه‌ریفى كۆمبوویه و د ئه‌وێ كۆمبوونێ دا ھاریكاریێن دوو قۆلى د ناڤبه‌را به‌غدا و ته‌هرانێ دا هاتینه گۆتوبیژ كرن.
ئه‌ڤرۆ چارشه‌مبى، فوئاد حسێن، وه‌زیرێ ده‌رڤه یێ ئیراقێ ب مه‌ره‌ما دانوستاندنێ ب هژماره‌كا دۆسه‌یێن ھه‌ڤبه‌ش ل گه‌ل مه‌زنه به‌رپرسێن ئیرانێ، گه‌هشتییه ته‌هرانا پایته‌ختێ ئیرانی.
