ئیراقێ د رۆژه‌كێ دا زێده‌تر ژ ٣ ملیۆن به‌رمیلێن په‌ترۆلی ره‌وانه‌ى بازارێن جیهانێ دكه‌ت

کۆمپانیایا بازارکرنا نەفتا سۆمۆ د راگەھاندنەکێ دا بەلاڤکرییە، تێکرایا ھنارتنا نەفتا ئیراقێ ل ھەیڤا کانوونا دووێ دا گەهشتییە ٣ ملیۆن و ٢٠٠ ھزار بەرمیلان د رۆژەکێ دا.

جەختکرییە ژی، بەرھەمئینانا نەفتێ بریار لێ ھاتییە دان ل ئیراقێ بۆ چارێکا ئێکێ ژ سالا ٢٠٢١ێ د رۆژەکێ دا دگەھیتە ٣ ملیۆن و ٨٥٧ ھزار بەرمیلان.

سۆمۆ ئاماژە دایە، د ھەیڤا بوری دا سەرجەمێ بەرھەمئینانا نەفتێ ل ئیراقێ گەھشتییە ٣ ملیۆن و ٨٠٧ ھزار بەرمیلێن نەفتێ رۆژانە و پابەندبوونا ئیراقێ ب کێمکرنا بەرھەمئینانا نەفتێ ١٠٦% بوویە.

د راگەھاندنەکێ دا ھاتییە، بکارھێنەرێن ناڤخۆ ژ لایێ حکوومەتا فیدرال ڤە و ل گۆرەی پلانا ھاتییە دارێژتن ٥٢٠ ھزار بەرمیلێن رۆژانەیە، ل ھەرێما کوردستانێ ب گویرەی داوی راپۆرتا کۆمپانیا دیلۆیت ٢٢ ھزار بەرمیلن د رۆژەکێ دا.