ئەڤرۆ ل رۆژا پێنج شەمبی پەرتوکخانا بەدرخانییان د روینشتنەکا تایبەت دا، وەغەرا ھەلبەستڤان و رۆژنامەڤانێ کورد (عسمەت محەمەد سەلیم) ساخکر، د ڤێ روینشتنێ دا ، باس ل رۆل و پێگەھــ و بەرھەمێن عسمەت محەمەد ھاتە کرن .
ئیسماعیل تاھر جانگیر رێڤەبەرێ پەرتوکخانا بەدرخانییان بۆ خانی نیوز گۆت: مەرەم ژ ڤێ روینشتنێ ساخکرنا چل رۆژیا وەغەرا ھەڤالێ وان عسمەت محەمەد بوو، ل دەف وان گەلەک یا گرنگ بوو ئەڤ یادە بھێتە ساخکرن وەکو ئاماژەک بۆ وەفاداریا گیانێ ھەڤالێ نڤیسەر.
ناڤھاتی گۆت ژی: ئێک ژ ئارمانجێن دی یێن ڤێ روینشتنێ دیارکرنا رول و پێگەھێ گرنگ یێ ھەلبەستڤان عسمەتی بوو د دیتن و دەربرینا ھەڤال و دۆستێن وی دا، ب خۆوشحالی ڤە پێنج ژ ھەڤالێن وی د ڤێ روینشتنێ دا ئامادە بوون و باس ل رولێ گرنگ وی خەبات خودێ ژێ رازی کر ، ئەڤ روینشتنە وەک بھا دانەک ب نڤیسەر و ھەلبەستڤانەکێ کو گەلەک خزمەتا ڤی باژێری کریە و کورێ باژێرێ دھوکێ بوویە.
عسمەت محەمەد کەسەکێ خزمەتکار بوو د بیاڤێن جودا یێن رەوشەنبیری دا، ھەر ژ سالا ١٩٥٣ تا دوماھیک ھەناسا خۆ، ژیێ خۆ تەرخانکربوو ژ پێخەمەت خزمەتکرنا نڤیسین و میدیا و ھەلبەستێ، جودا ژڤێ خزمەتەکا مەزن د خەباتێن کادری و پێشمەرگاتی و زیندانی بوونا سیاسی دا ھەبوویە.
خانی نیوز، مەتین عومەر
