عەلی عەونی ئەندامێ سەرکردایەتییا پارتییا دیموکراتا کوردستانێ دەربارەی دەنگۆیێ کۆنترۆکرنا دەرگەھێن سنۆری ژلایێ بەغدا ڤە بۆ خانى نیوز راگه‌هاند: ئەگەر ژلایێ قانوونی ڤە بیت حکومەتا ھەرێما کوردستانێ رازییە كو حکومەتا ئیراقێ ب قانوونی کۆنترۆلا دەرگەھێن سنوری بکەت، کامیره‌یان ب دانیت و چ رێکارێن یاسایی ھەنە ئەم رێگر نینین.
عەلی عەونی دەتەزانین: ئەگەر ئینیەتا ئیراقێ عەنتەری و خۆ سەپاندن و داگیرکرنا کوردستانێ یە ئەڤە خەونەکا خاڤەو چ لایەنەک نەشێن وەبکەن و ئه‌و رێکێ نادەن ئیراق دەست دانیتە سەر دەگەھێن سنوری.
دەربارەی ریکنەکەفتنا ھەرێم و بەغدایێ عەلی عەونی ئەندامێ سەرکردایەتییا پارتی ئەگەرێ وێ بۆ چەند خالەکان دزڤرینیت و خویا دکەت: ئیرادا ئیراقێ د دەستێن وێ دا نینە و دەولەتێن دەوربەر ئیراقێ ب رێڤە دبەن، دیسان شیعە خۆ ب ھێز دبینن و ھزردکەن دێ ئەو بیت یا وان دڤێت، ئەو ژی سەرناگریت، ھەروەسا ئیراق ژلایی سیاسی ڤە رۆژ بۆ رۆژێ بەرەڤ خرابیێ ڤە دچیت و حوکمێ وێ د دەستێن گرۆپان دایه.
عەلی عەونی پەرتەوازە و بێ سەروبەریا ناڤ مالا کوردی و نەبوونا کۆدەنگییەکا سیاسی ل ھەرێمێ ئەگەرەکێ دی یێ رێکنەکەفتنا ھەر دوو لایان دبینیت و یێ گەشبین نینە ژی ئەو رێکەفتنە بھێتەکرن و دبێژیت ژى 10 سالیێن دی ژی ھەولێر و بەغدا رێک ناکەڤن.
هه‌ژى گۆتنێ یه ئەڤرۆ رۆژناما سەباح یا ئیراقی نووچەیەک بەلاڤکریە کو تێدا ھاتییە بزاڤەک ژلایێ ئیراقێ ھەیە دەست ب سەر دەرگەھێن سنوری یێن ھەرێمێ دا بگریت.
خانى نیوز، عه‌بدوللا عه‌لى
