شیرەتکارێ بەرێ یێ ئاساییاشا نەتەوەیی یا ئەمریکی نامەیەک بۆ ئەندازیارێ پارچەکرنا ئیراقێ ھنارت و تێدا ئاشکرا کرییە، دەم ھاتیە کوردستانێ ژ بەغدایا ل ژێر کۆنترۆلا ئیرانێ جودا بکەن.
جۆن بۆلیتۆن، شیرەتکارێ بەرێ یێ ئاساییشا نەتەوەیی یا ئەمریکا نامەیەک بۆ جۆ بایدن، سەرۆکێ ئەمریکا یێ ب ئەندازیارێ پارچەکرنا ئیراقێ دھێتە نیاسین ھنارتیە و تێدا داخواز کرییە پشتەڤانییا کوردان بکەت ھەتا د گەھنە سەرخوەبوونێ و ژ ئیراقێ جودا ببن.
بۆلتۆن ئاشکرا کر، پێدڤییە ھەرێما کوردستانێ سەربخوە بیت و پێدڤیە پشتەڤانی ل رێفراندۆما سەرخوەبوونا وان بھێت کرن، ژبەرکو جودابوونا کوردستانێ ژ بەغدا باشترین رێکە بۆ ئارامی و سەقامگیریا دەڤەرێ.
بۆلیتۆن گۆت ژی: یا دیارە بایدن حەزناکەت داعەش ڤەگەریت و ھێزێن ئەمریکی ل دەڤەرێ ھەنە و پەیوەندیێن بەردەوام د گەل دەستھەلاتا ھەرێما کوردستانێ ھەنە و پشتەڤانی ژی ل کوردان دھێتە کرن، د ھەمان دەم دا حکومەتا بەغدا ل ژێر کۆنترۆلا ئیرانێ دایە و میلیشیایێن شیعە ژی وەکو ھێزەکا وێرانکەر ل دەڤەرێن نە شیعی بەلاڤە نە.
شیرەتکارێ بەرێ یێ ئاساییاش نەتەوەیی یا ئەمریکا گۆت ژی: بایدن ب ئەندازیارێ پارچەکرنا ئیراقێ ناسیارە، لێ تا نھا ئەو مژوولی تەماکرنا کابینا خوەیە و نھا د قۆناغا ڤەگوھاستنێ دایە، لەورا پێدڤیە ئەو چاڤەرێ بن کا دێ چ کەت.
بۆلتۆن بۆ بایدن: دەمێ سەرخوەبوونا کوردستانێ ھاتیە
