لیژنا داراییا په‌رله‌مانێ ئیراقێ ههژمارهكا برگه و مادده‌یان د پرۆژه‌قانوونا بودجێ سالا 2021ێ دا په‌سه‌ند كرییه و كورتئینان ژى ژ 47% بۆ 19% هاتییه كێمكرن
لیژنا دارایی ل په‌رله‌مانێ ئیراقێ ئاشكرا كر، كو ههژمارهكا گۆرانكارییان د پرۆژه‌قانوونا بودجه‌ی دا كرینه، گرنگترینێن گۆرانكارى ژى پێكهاتییه ژ كێمكرنا كورتئینانێ ژ 76 ترلیۆن دیناران بۆ 25 ترلیۆنان.
هه‌روه‌سا كێمكرنا كۆژمێ قه‌رزان، كو حكومه‌تێ داخوازكرییه، ژبلى ئه‌ڤێ چه‌ندێ ژى كێمكرنا بودجا هه‌رسێ سه‌رۆكایه‌تیا بۆ 20%.
د پشكه‌كا دى یا گۆرانكاریان دا هاتییه، زێده‌كرنا كۆژمێ پارێ هاتییه ته‌رخانكرن بۆ گه‌شه‌پێدانا پارێزگه‌هان ژ دو ترلیۆن دیناران بۆ چار ترلیۆنان و زێده‌كرنا پارێ پترۆدۆلار بۆ 500 ملیار دیناران، ئه‌ڤه ژى بۆ وان پارێزگه‌هانه كو په‌ترۆلێ به‌رهه‌م دئینن.
