شێخ ئه‌یاد حه‌سه‌ن سه‌رۆكێ ژوورا بازرگانى و پیشه‌سازییا دهۆكێ بۆ خانى نیوز راگه‌هاند: ده‌ستپێكا ئه‌ڤساله بزاڤا بازرگانى باشتربوویه ژ سالا بۆرى و ئه‌و پێشبینى دكه‌ن هێشتا باشتر ببیت، هه‌روه‌سا به‌رهه‌مێن بازرگانێن كوردستانێ دچیته هه‌موو پارێزگه‌هێن ئیراقێ و هیچ رێگرییه‌ك ژ لایێ حكومه‌تا ئیراقێ لێ ناهێـته كرن.
شێخ ئه‌یادى گۆت ژى: به‌غدا و باشور و ناڤه‌راستا ئیراقێ بازاره‌كێ گرنگه ژ بۆ بازرگانێن وان، چونكى به‌رهه‌مێ بازرگانان د چیته هه‌موو بازارێن ئیراقێ و ئه‌ڤێ یه‌كێ ژى بزاڤا بازرگانى خورتتر لێكریه.
ل دۆر خورتبوونا بزاڤا بازرگانى ل ده‌رگه‌هێ سنوریێ ئیبراهیم خه‌لیل یێ ناڤده‌وله‌تى ژى، سه‌رۆكێ ژوورا بازرگانى و پیشه‌سازییا دهۆكێ دوپاتكر، لڤینا بازرگانى ل گه‌ل توركیا خورتتر بوویه، ئه‌ڤ یه‌كه ژى بۆ ئاسانكاریێن وه‌زاره‌تا ساخله‌مییا هه‌رێمێ و هه‌ماهه‌نگییا هه‌موو رێڤه‌به‌ریێن ئیبراهیم خه‌لیل یێ هه‌رێمێ و خابوور یێ توركیا ڤه‌دگه‌ریت.
ناڤهاتى گۆت ژى: وان ژى گه‌له‌ك ئاسانكارى بۆ بازرگانان كریه و نووكرنا مووله‌تا بازرگانیێ برییه ده‌روازه‌یێن سنورى، هه‌روه‌سا رۆتین و هاتن و چوون كێمركرینه.
خانى نیوز، چنار ئه‌حمه‌د
