وەزارەتا دارایی و ئابووری یا حکومەتا ھەرێما کوردستانێ، بڕیارا خەرجکرنا کرێیا خواندنا کەسوکارێن شەھید و ئەنفالکری و زیندانیێن سیاسی دەرخست.
ل گۆری راگەھاندنەکا وەزارەتا دارایی کو کوپییەکا وێ ب دەست خانی نیوز کەفتییە، ھاتییە: پالپشت ب قانوونا ژمارە (٩) یا سالا ٢٠٠٧ قانوونا ماف و ئیمتیازێن کەسوکارێن شەھید و ئەنفالکریان، ئەڤرۆ سێشەمبی ٩-٢-٢٠٢١، ئاوات جەناب، وەزیرێ دارایی رەزامەندی ل سەر خەرجکرنا کوژمێ ١٩ ملیار و ٦٨٦ ملیۆن و ٤٧٢ ھزار دیناران دایە، ب مەرەما دانا قەرێن کرێیا خواندنا کور و کچێن شەھید و ئەنفالکری و زیندانییێن سیاسی، ب شێوێ نەقدی.
راگەھاندنا وەزارەتی ئاماژە ب ھندێ ژی کریە: ئەڤ خەرجکرنە سالێن (٢٠١٦-٢٠١٧)، (٢٠١٧-٢٠١٨) و (٢٠١٨-٢٠١٩) ڤەدگریت و كوژمێ خه‌رجكرى دێ ل سەر بودجێ رێڤەبەریێن گشتی یێن سەر ب وەزارەتا شەھید و ئەنفالکریان بیت، ب مەرجەکی کار ل مووچێ فەرمانبەران نەکەت.
