جڤاتا پارێزگه‌هێ ئه‌ڤرۆ ب پتریا ده‌نگان بڕیارا قه‌زابوونا باتیفا.
هشیار عەلی ، سەرۆکێ فراکسیۆنا پارتی ل جڤاتا پاڕێزگەها دهۆکێ بۆ خانی نیۆز ڕاگەهاند؛ د کۆمبوونا نە ئاساییدا یا جڤاتا پاڕێزگەهێ تایبەت بوو ب بڕیار و ده‌نگدان ل سه‌ر قەزابوونا باتیفا و ب ۲٦ دەنگان بڕیار هاتە پەسەند کرن، ئەو ژی لدووف یاسا ژمارە ۳ یا ماددا ٦ و برگە ۱۳ یا جڤاتا پاڕێزگەهان یا سالا 2009 و ل گۆره‌ی رێنمایێت وەزارەتا ناڤخۆ، هه‌موو مه‌رج ل سه‌ر باتیفا دهاتن بجهئینان كو ببیته قه‌زا ژ ئالیێ ڕووبەر و ئاکنجیبوون و قوربانیدانێ ڤە.
سه‌رۆكێ فراكسیۆنا پارتی ل جڤاتا پارێزگه‌هێ دیار ژی كر، پشتی ده‌نگ ل سه‌ر قه‌زابوونا باتیفا هاتییه دان، هه‌موو رێکارێن یاسایی دێ هێنە بجهئینان و ب نڤێسارەکێ دێ گه‌هیته پارێزگه‌هێ و پاشان بۆ وەزارەتا ناڤخۆ و جڤاتا وەزیران هێته هنارتن و لدووڤدا ناڤێن بەربژاران بۆ دەڤەردارێ باتیفا ژ ئالیێ جڤاتا پاڕێزگەهێ ڤە هێنه دیاركرن.
خویا ژی كر، قه‌زابوونا باتیفا دبەڕژەوەندیا وەلاتیێن وێ دەڤەرێ دایه کو دێ شێن مامەلەیێت خوه هەر ل باتیفا ب ڕێڤەبەن و رێكه‌كه ژ بۆ پتر ئاڤەدانکرن و هه‌بوونا خزمەتگۆزاریێن زێدەتر بۆ وێ دەڤەرێ.
