وه‌زیرێ كۆچ و كۆچبه‌رێن ئیراقێ راگه‌هاند، ل ده‌مه‌كێ نێزیك دێ 10 كه‌مپێن ئاواران ل هه‌رێما كوردستانێ دائێخن.
ئیڤان فایه‌ق، وه‌زیرێ كۆچ و كۆچبه‌رێن ئیراقێ بۆ میدیایێن وه‌لاتێ خوه راگه‌هاند، ژ سه‌رجه‌می 174 كه‌مپان، نها 26 كه‌مپ ماینه و 2 ژ وان ژ ده‌رڤه‌ى هه‌رێما كوردستانێ نه.
دیار ژى كر، ل پارێزگه‌ها دهۆكێ 16 كه‌مپ ماینه و پتریا ئاكنجیێن وان كوردێن ئێزیدى نه، ل ده‌مه‌كێ نێزیك ژى دێ 10 كه‌مپێن ئاواران ل گۆره‌ى پلانه‌كێ د گه‌ل حكومه‌تا هه‌رێمێ دێ هێنه داخستن.
ژ ئالییه‌كێ دى ڤه ئسكه‌نده‌ر محه‌مه‌د، رێڤه‌به‌رێ ئۆفیسا كۆچ و كۆچبه‌ران یا ئیراقێ ل پارێزگه‌ها دهۆكێ بۆ خانى نیوز راگه‌هاند، تا نها چ بریارێن فه‌رمى بۆ وان نه‌هاتینه، لێ تا رێكه‌فتنا شنگالێ نه‌چیته د وارێ بجهـئینانێ دا كه‌مپه ناهێنه دائێخستن.
ل پارێزگه‌ها دهوكێ 21 كه‌مپ لێ هه‌نه، 16 كه‌مپێن ئاواران كو 27 هزار خێزان تێدا دژین و 5 كه‌مپێن په‌نابه‌رانه و 11 هزار خێزان دناڤ دا دژین.
