دوو رۆژە ترس و دوو دلی ل دەڤ ئاکنجیێن شنگالێ و دەورووبەران دروست بووویە، وەلاتی دبێژن لڤین و زێدەبوونا ھێزێن حەشدا شەعبی د ناڤ شنگالێ دا بیرا وان ل شەری و نەخۆشی و کارەساتان دئینیت، قاسۆ وەلاتییەکێ شنگالێ یە بۆ خانی نیوز دیارکر: دو رۆژە ھاتن و چوونا ترۆمبێلێن سەربازی یێن حەشدێ گەلەک زێدەبوونە ھێزین وان بەرەڤ چیایێ شنگالێ دچن، ئەڤێ یەکێ ژی ترس و نە ئارامی ل دەڤ خەلکێ دەڤەرێ دروستکریە.
مەحما خەلیل دەڤەردارێ شنگالێ ژی وێ یەکێ پشتراست دکەت و دبێژیت: دوھی چاره‌شمبی 10-2-2021 حەشدا شەعبی ٣ لیوایێن خۆ یێن سەربازی ڤەگۆھاستینە شنگالێ و دیسان لڤینێن وان زێدەبوونە، ئەڤە دەمەکێ دا پەکەکێ ژی ھێزین خۆ زێدە دکەت.
مەحما خەلیل بۆ خانی نیوز دیارکر: خەلکێ شنگالێ چاڤەرێی بجهئینانا رێکەفتنا ھەولێر و بەغدایێ بوون ژبۆى كو ئارامی و ئاڤەدانی پەیداببیت، لێ بەرۆڤاژی زێدەکرنا ھێزین حەشدێ خەلکێ وان دوو دل کریە، هه‌روه‌سا مەترسییەکا مەزن ل دەڤ وان پەیدابوویە و جارەدن کارەسات و نەخووشی ل بیرا وان ئینایە.
ژلایێ خۆ ڤە ژی سەرۆکێ جڤاتا دەڤەردارییا شنگالێ وەیس نایف بۆ خانی نیوز راگەھاند: ئەوا كو چەندین سالە خەلکێ وان ژی د ترسییا نێزیکه دێ رووده‌ت، ئەو ژى كو شنگال ببیتە گۆرەپانا ململانێ و دەستێوەردانا وه‌لاتێن هه‌رێمى، نھا تورکیا و حەشدا شەعبی و پەکەکە ل وێ دەڤەرێ بۆ نەئارامییا خەلکێ شنگالێ گەفەکا مەزنن، ترسا دووبارە ئاوارەبوونا خەلکێ ھەیە.
خانى نیوز، عه‌بدوللا عه‌لى
