دکتور رۆژ نووری شاوەیش وەغەرا داویێ کر

دکتور رۆژ نووری شاوەیش، ئەندامێ مەکتەبا سیاسییا پارتیا دیمۆکراتا کوردستانێ وەغەرا داویێ کر.
دکتور رۆژ نووری شاوەیس، ئەندامێ مەکتەبا سیاسییا پارتییا دیمۆکراتا کوردستانێ ئەڤرۆ رۆژا دوشەمبی د ژیێ 74 سالیێ دا وەغەرا داویێ کر.
دکتور رۆژ نووری شاوەیس دەرچوویێ کولیژا ئەندازیاری یە ل زانکۆیا مووسلێ و باوەرناما دکتورایێ ل ئەلمانیا بدەستڤەئینایە، ئەندامێ مەکتەبا سیاسی یا پارتی بوو و د کابینا ئێکێ یا حکومەتا ھەرێما کوردستانێ دا جێگرێ سەرۆکوەزیران بوو، ژ سالا 1999 تا 2003ێ سەرۆکێ پەرلەمانێ کوردستانی بوو، سەرۆکوەزیران بوو د کابینا سیێ یا حکومەتا ھەرێمی دا و ل سالا 2004ێ بوویە جێگرێ سەرۆکوەزیرێن ئیراقێ.