كۆچكا سپى راگه‌هاند؛ سه‌رۆكێ ئه‌مریكا ماف هه‌یه هه‌رده‌مێ بڤێت به‌رسڤا هێرشا سه‌ر باژارێ هه‌ولێرێ بده‌ت.
كۆچكا سپى یا ئه‌مریكا راگه‌هاند؛ ئه‌و چاڤه‌رێنه ئه‌نجامده‌رێن هێرشا مووشه‌كى یا سه‌ر باژێرێ هه‌ولێرێ بهێنه ئاشكه‌راكرن و دیار ژى كر، سه‌رۆكێ ئه‌مریكا ماف هه‌یه به‌رسڤا وێ هێرشێ بده‌ت.
ته‌كه‌ز ژى كر، ئه‌و دگه‌ل هه‌ڤپه‌یمانێن ئیراقى دبه‌رده‌وامن بۆ ئاشكه‌راكرنا وان ئالیێن به‌رپرسیار د هێرشێ دا و وه‌زیرێ ده‌رڤه یێ ئه‌مریكا په‌یوه‌ندى ب هه‌ڤكیفێ خۆه یێ ئیراقى كرییه بۆ ڤه‌كۆلین و سزادانا به‌رپرسیارێن هێرشا هه‌ولێرێ.
ئه‌ڤ یه‌كه دده‌مه‌كى دایه مه‌سرور بارزانى، سه‌رۆكێ حكومه‌تا هه‌رێما كوردستانێ په‌یوه‌ندییه‌كا ته‌له‌فۆنى دگه‌ل ئه‌نتۆنى بلینكن، وه‌زیرێ ده‌رڤه یێ ئه‌مریكا كر و تێدا گۆتۆبێژ ده‌رباره‌ى هیرشا مووشه‌كى یا سه‌ر باژارێ هه‌ولیرێ كر و هه‌ردو ئالییان هه‌ڤخه‌مییا خوه بۆ قۆربانییێن هێرشێ ده‌ربرى.
هه‌ر د وێ په‌یوه‌ندییا ته‌له‌فۆنى دا، سه‌رۆكێ حكومه‌تا هه‌رێما كوردستانێ داخواز ژ وه‌زیرێ ده‌رڤه یی ئه‌مریكا كر پشته‌ڤانییێ ل ڤه‌كۆلینێن هه‌ڤپشك یێن هه‌رێما كوردستانێ و حكومه‌تا فیدرالى بكه‌ت بۆ دیاركرن و دادگه‌هـكرنا تاوانباران.
