بالیوزێ ئه‌مریكى ل ئیراقێ ماتیو توله‌ر دگه‌ل جێگرێ سه‌رۆك وه‌زیرێن هه‌رێما كوردستانێ قوباد تاله‌بانى ل به‌غدا كۆمبوون و دانوستاندن ل سه‌ر ڤه‌كۆلینان د هێرشا مووشه‌كییا سه‌ر هه‌ولێرێ كرن كو بنگه‌هێ هێزێن هه‌ڤپه‌یمان ل وێرێ كرییه ئارمانج.
و د راگه‌هاندنا نڤێسینگه‌ها تاله‌بانى دا هاتییه: هێرشا مووشه‌كى ل سه‌ر باژێرێ هه‌ولێرێ به‌شه‌كێ گرنگێ كۆمبوونا وان بوویه و هه‌ردوو لایان گرنگیا پاراستنا ئێمناهیا ئیراقێ و هه‌رێما كوردستانێ ب گشتى گۆتوبێژكرن، هه‌روه‌سا پشكه‌كا دى یا كۆمبوونێ ژى ده‌رباره‌ى شاندێ هه‌رێمێ بوو ل به‌غدا و پرۆژێ بودجا 2021ێ و كۆمبوونێن وان دگه‌ل لایه‌نێن په‌یوه‌ندیدار.
