رێڤهبهرێ قوتابخانهكێ ل گوندێ شووشێ ل سنورێ دهڤهردارییا ئاكرێ پشتى ل سهر بانێ قوتابخانێ كهفتى، ئهڤرۆ رۆژا پێنچ شهمبی 18-2-2021 ل نهخۆشخانێ گیانێ خوه ژ دهستدا.
مامۆستا ئەحمەد سالح ئێک ژ ئاکنجیێن گۆندێ شووشێ یە دیارکر: مکائیل تاھر رێڤەبەرێ قوتابخانا قەسرۆک شووش بوو ل گۆندێ وان و ل رۆژا 5-2-2021 ل سەر بانێ ئاڤاھیێ قوتابخانێ مژیلی شووشتن و پاقژکرنا تانکێن ئاڤا قوتابخانێ بوو، ژ نشکەکێ ڤە ل بانێ ئاڤاھیێ دا کەڤت و ب گرانی بریندار بوو.
ئەحمەد سالح كو ههڤالێ وى مامۆستایی یه بۆ خانی نیوز گۆت ژی: مکائیل تاھر پشتی 13 رۆژان ل نەخۆشخانا ئاکرێ ل بن چاڤدێریان نۆژداران دا مای، ئەڤرۆ ژبەر گرانییا برینێن وی گیانێ خوه ژ دەست دا.
مکائیل تاھر تهمهنێ وى 36 ساله و بۆ دهمێ 12 سالانه مامۆستایە، ههروهسا دوو سالە رێڤەبەرێ قوتابخانا قەسرۆک شووشە، ئاکنجیێ گۆندێ ناڤبرییە، خێزاندارە و شەش زارۆک ھەنە.
خانی نیوز، عەبدوللا عەلی
