په‌رله‌مانتاره‌كێ ئیراقێ خواست، ناڤچه‌یێن ده‌رڤه‌یێ ئیدارا هه‌رێما كوردستانێ د هه‌لبژارتنێن داهاتی یێن ئیراقێ دا ب ئێك ليسته پشكداربن دا ده‌نگێن وان نه‌هێنه سۆتن.
موسه‌نا ئه‌مين، سه‌رۆكێ فراكسيونا ئێكگرتوو یا ئيسلامی يا كوردستانێ بۆ خانى نيوز گۆت: دێ باشتر بیت ھەموو ھێزێن کوردستانێ ل دەڤەرێن ماددێ 140 ب ئێک لیست پشکداری ھەلبژارتنان بن دا دەنگێن کوردان نەھێنە سۆتن و گرنگە بۆ ڤێ قوناغێ ل ئه‌وان دەڤەران دئێکگرتی بن دا وەک مللەت زیان ڤێ نەکەڤیت و کورسیکێن کوردان ل بەغدا کێم نەبن.
موسه‌نا ئه‌مين گۆت: لسه‌ر رێكه‌فتنا هه‌رێم و به‌غدا تا نها ئالیێ سیێ وەک ئەمریکا یان یوئێن نەھاتیە ناڤا بابەتی و بتنێ گۆتوبێژ ل سەر نێزیکبوونا ھەرێمێ و بەغدا و فراکسیۆنێن پەرلەمانی هاتینه كرن و مایتێکرنا ھندەک فراکسیۆنان دڤێ نێزیکی بوونێ دا یا باش نەبوویە و هندی سەرۆکوەزیران یێ نه‌رم ژی بیت دڤی بابه‌تی دا دێ یا بێ ئەنجام بیت، ژبه‌ر كو دووماھی و دەسپێک په‌رله‌مان دێ بڕیارێ ب ده‌نگدانێ ل سه‌ر ده‌ت.
