پتریا جاران دەمی مرۆڤی گوهـ ل دەنگێ خوە دبیت، حەز ژدەنگێ خوە ناکەت و ل دؤر ڤی بابەتی ژی ڤەکؤلەرەکێ دەروونی دبێژیت: ٧٠% مرۆڤ حەز ژ دەنگێ خوە ناکەن
کچەک ب ناڤێ شیلان قادر گؤت: من چجاران حەزژ دەنگێ خوە نەکریە، ھەتا کو نامێن دەنگی ژی دھنێرم گوھداریا دەنگێ خوە ناکەم گەلەک جاران من پرسیارا ئەگەرێن ڤێ چەندێ ژی کریە، لێ تا نھا من چ بەرسڤێت دروست نەوەرگرتینە
ل دۆر ڤی بابەتی حەمید وەرمێلی وەکو گەنجەک گۆت: ل دوڤ ڤەکولینێن زانایان كرین، پترییا مرۆڤان حەز دەنگێ خوە ناکەن، ئەز ژی ئێک ژ وانم یێ کو حەزژ دەنگێ خوە نەکەم، ئەڤە وێ چەندێ ناگه‌ھینیت کو ئەز ژدەنگێ خوە رازی نینم یان یێ نە خوشە. بوچی حەز ژێ ناکەم ب بوچوونا من دبیت ئەڤە دیاردەکا فیزیکی یان ”فیگرەتەک” بیت ل دەف من و وان کەسێن حەزژ دەنگێ خوە نەکەن، نەڤیانا من بۆ دەنگێ من ئەو کارتێکرن لمن نەکرییە کو گوھـ ل دەنگێ خوە نەکەم، بەلێ بێ دو دلی گوھداری دەنگێ خوە دکەم، چونکی نها پتریا خەلکی ئەپلیکەیشنێن پەیوەندیکرنێ وەک”واتس ئاپ و ڤایبەر ” ب نامێن دەنگی بکار دئینن ل جھێ نڤێسینێ ئەڤ چەندە وەل من کریە گوھداری دەنگێ خوە بکەم کا من چ گۆتیە. گەلەک جاران من ژ گەلەک کەسێن دەوروبەرێن خوە پرسیارکریە کا بوچی حەژ دەنگێ خۆ ناکەم، ئەز دبینم ئەڤ پرسیارە گەلەک یا بەربەلاڤە، ئەز بتنێ ڤێ پرسیارێ ناکەم بەلکو گەلەک کەس ڤێ پرسیارێ دکەن ل دووماھیێ ببۆچوونا من پشتی خزمەتا ھنارتنا دەنگی بو ئەپلیکەیشنێن پەیوەندیکرنێ وەک ”واتس یٔاپ، ڤایبەر و ماسنجەر ”ھاتیە زێدەکرن، دبیت پتریا مرۆڤان حەزژ دەنگێ خوە بکەن، چونکی ڤێ دووماھیێ پتریا مرۆڤان ڤێ خزمەتێ بکار دئینن، ژ به‌ر كو ب ساناھی ترە ژ نڤێسینێ، چنكو نڤێسینێ گەلەک ئاستەنگ ھەنە وەکی نەبوونا کیبوردی و جورێ خەتی … ھتد
نەجمەدین زێباریی، ڤەکۆلەری دەروونی دیارکرییه، کو دەمێ مرۆڤ دگەھیتە ژیێ سنێلەیێ گوهۆرین ب سەر دەنگێ مرۆڤی دا پەیدادبن ھەست و سوز بۆ مرۆڤی دروست دبن دەمێ ئەڤ ھەست و سۆزە ل دەڤ مرۆڤی زێدەدبیت دەنگێ بەرامبەری مرۆڤی بۆ مرۆڤی نازک دەردکەڤیت و دەنگێ مرۆڤی بخوه بۆ َمرۆڤی نەشاز دەردکەڤیت چ رەگەزێ نێر بیت چ یێ مێ بیت، مرۆڤ ژبەر ھندێ حەز ژ دەنگێ خوە ناکەت چونکی ھەستێت مرۆڤی پتر بۆ کەسێت بەرامبەر دچن و دەمێ گوھداریا دەنگێ خوە دکەت بۆ مرۆڤی نەشاز دەردکەڤیت، ئەڤ چەندە ژی ل دەف مرۆڤان ل ژیێ سنێلەیێ پەیدادبیت ھەتا دگەھیتە ژیێ 40 سالیێ، ھەردو رەگەز حەز ژ دەنگێ خوە ناکەن، لێ پتر کور حەز ژ دەنگێ خوە ناکەن، ژ به‌ر كو دەنگێ کچان نازکترە، مرۆڤ 70% حەز ژ دەنگێ خوە ناکەت، لێ پشتی ژیێ 40 سالیێ ئەف رێژە کێم دبیت مرۆڤ ھند گرنگیێ ب خۆشیا دەنگێ خوە نادەن، چارەسەریا ڤێ چەندێ ژی ل ژیێ سنێلەیێ دا یاب زەحمەتە تاکو مرۆڤ حەز ژ دەنگێ خوە بکەت، بەلێ ھەکە مرۆڤ بەراوردیەکێ دگەل کەسێت بەرامبەری خوە بکەت، د دەنگێ وان دا دێ بۆ مرۆڤی دیاربیت وان ژی ھەمان ئاریشە ھەیە کو دەنگێ وان ژی بۆ وان یێ نەخوەشە ھینگێ دێ مرۆڤ ژی حەز ژ دەنگێ خوە کەت دەمێ مرۆڤ ڤەکولینەکێ دگەل کەسێ بەرامبەری خوە دکەت، کو ھەرکەسەکێ ھەمان ھەست یێ ھەی بۆ دەنگێ خوە کو حەزژ دەنگێ خوه ناکەن ئەف چەندە ژی دێ بیتە ئەگەر مرۆڤ حەژ دەنگێ خوە بکەت
خانی نیوز، مەنیجا ئەیوب:
