نێچیرڤان بارزانى: شیعه‌ و سوننه‌ نه‌شێن بیێ كوردان هه‌ڤسه‌نگیێ دروست بكه‌ن

رێوڕەسمێن “شەهیدێ نشتیمانى” ل هەولێرێ ب هه‌لكه‌فتا 18ـەمین سالڤه‌گه‌را شەهیدکردنا محەممەد باقر حەکیم ب ڕێڤه‌چوو، عەممار حەکیم، سەرۆکێ رەوتا حیکمە یا نیشتمانی و هه‌ڤپەیمانییا ئیراقیوون تێدا ئامادە بوو. نێچیرڤان بارزانی، سەرۆکی هەرێما کوردستانێ د گۆتارەکێ دا راگەهاند، ئاریشا سەرەكییا ئیراقێ ل ده‌ستپێكا دامەزراندنێ نەبوونا شەراكەت و هه‌ڤپشكیێ بوویه‌ د ناڤبه‌را  هەموو پێكهاتەیێن ئیراقێ دا بۆ ب ڕێڤه‌برنا ئیراقێ، ژبه‌ر هندێ ژى ئیراق ل ده‌ستپێكا دامەزراندنا خوه‌ بێ ئاریشه‌  نەبوویه‌ 

سەرۆکێ هەرێما کوردستانێ گۆت ژى: ئه‌و  د ئامادەنه‌ بۆ هندێ دەست ب گۆتوبێژێن جددی یێن راشکاوانه‌ بكەن بۆ راستكرنا پرۆسا سیاسی و ب رێڤه‌برنێ ل ئیراقێ.

نێچیرڤان بارزانی ده‌رباره‌یى ئاریشێن ئیراقێ راگەهاند: هەردوو پێكهاتەێن عەرەبیێن ئیراقێ کو سوننە و شیعەنه‌، دزانن چ ژ وان ب تنێ و هه‌ردووك ژى بێى كوردان نه‌شێن هه‌ڤسه‌نگییه‌كا دروست بكه‌ن، ژبه‌ر هندێ هه‌ڤپشكییا هه‌موو پێكهاته‌یێن ئیراقێ بۆ ب رێڤه‌برنا ئیراقێ تاكه‌ رێكه‌ بۆ ب رێڤه‌برنه‌كا سه‌ركه‌فتى ل ئیراقێ، هه‌ر ئه‌و ژى تاكه‌ رێكه‌ بۆ ده‌ستهه‌لاته‌كا مه‌ده‌نى و خزمه‌تگۆزارى كو وه‌لاتیێن ئیراقێ دلخۆش بكه‌ت.

ژلایێ خۆڤه‌ عه‌مار حه‌كیم سه‌رۆكێ ره‌وتا حیكمه‌ یا نشتیمانى، د رێوره‌سمێن شه‌هیدێن ئیراقێ دا دبێژیت: ئه‌و ب شانازى ڤه‌ ل هه‌ولێرا خۆشتڤینه‌، و ب هه‌لكه‌فتا رۆژا شه‌هیدیێن ئیراقێ، ئه‌ڤرۆ ئه‌و ل كوردستانێ نه‌، رۆژه‌كا مه‌زنه‌ كو ئه‌و ل پایته‌ختینه‌، ئهو جاره‌كا دى یێن ل ڤێرێ كو ڤێ هه‌لكه‌فتێ ساخبكه‌نه‌ڤه‌، باقر ئه‌لحه‌كیم و بارزانى نه‌ ب تنێ سه‌رۆك بووینه‌، به‌لكو سه‌رۆكێن هه‌موو ئیراقێ بووینه‌. عه‌مار حه‌كیم گۆت ژى: مه‌لا مه‌سته‌فا بارزانى د ئاخفتنه‌كا خۆ دا گۆتییه‌ ئه‌گه‌ر حه‌زژێكرنا وه‌لاتى تاوان بیت ئه‌ز تاوانبارم، ئاخفتنێن وى د كوور و ب رامان بوون، وى د زانى ژى كو پێدڤیاتییا خه‌لكێ وى ب چییه‌، داخوازا مه‌ ژى سه‌قامگیریا وه‌لاتى یه‌، ب یه‌كسانى ئه‌م به‌رێ خوه‌ د ده‌ینه‌ هه‌موو پێكهاته‌یێن وه‌لاتى، شه‌هیدێن مه‌ ژى ژبه‌ر ئارامییا وه‌لاتى بوویه‌.

ل دۆر مووچه‌ى و بۆدجه‌ى عه‌مار حه‌كیمى دیاركر ژى: ئه‌و به‌رپرسیاره‌تییا هه‌موو لایه‌نانه‌، د ده‌ستورى دا ئاماژه‌ پێ كرییه‌، هه‌موو ئیراقى د مافان دا یه‌كسانن،  ئه‌م به‌حسێ درۆشمان ناكه‌ین، به‌لكو بگه‌هینه‌ رێككه‌فتنه‌كا گشت گیر.‌