فروکەیێن تورکیا دو گوندێن ئامێدیێ بومبەباران کرن

فروکەیێن جەنگی یێن تورکیا هه‌ردوو گوندێن سگێرێ و گوندێ بێرکیات ل سنورێ دەڤەرداریا  ئامێدیێ بومبەباران کر 

پەیامنێرێ خانی نیوز راگەهاند : نیڤرویا  ئەڤرو ل دەمژمێر 1:20گوندێ سگێرێ ل ناوچەداریا دێرەلوک  وگوندێ بێرکیات ل سنورێ ناوچەداریا چەمانکێ  ل سنورێ دەڤەرداریا ئامێدیێ سێ  جاران  ژلایێ فروکەیێن تورکیا هاتە بومبەباران کرن

پەیامنێرێ خانی نیوز  دیارکر ژی : هەرچەند ئەوگوندە د ئاڤەدان نینن  داكو زەره‌ر و زیانێن وێ بومبەبارانێ بزانین لێ بومبەبارانا گوندێ سگێرێ  نێزیکی گوندێ سەرگەلی یە کو گوندەکێ ئاڤەدانە و نێزیکی 60 مالان تێدانە و ئەڤ بومبەبارانە کێمتری 500م ژدووری وی گوندیە، ترس و دوو دلیەکا مەزن بۆ خەلکێ گوندێ سەرگەلی پەیداکریە .

ب هێجەتا هەبوونا بنگەهـ و بارەگایێن  گەریلایێن پارتیا کرێکارا کوردستانێ پەکەکە  بەردەوام فروکەیێن تورکیا ناڤچەیێن دەڤەرداریا ئامێدیێ بومبەباران دکەن .

خانى نیوز؛ هەیوار ستار