هژماره‌كا ئەفسەرێن سوپایێ ئیراقێ ب تۆمه‌تا گه‌نده‌لییێ هاتنه‌ گرتن  

دەستەیا ده‌ستپاکییا ئیراقێ راگەهاند: 28 ئەفسەرێن لیوایا مغاویرێن سۆپایێ ئیراقێ بۆ تۆمه‌تا گه‌نده‌لییێ هاتینه‌ گرتن.

ئه‌ڤرۆ سێشەمبى، 23-2-2021 دەستەیا ده‌ستپاکییا ئیراقی راگه‌هاندییه‌، كو هژما‌ره‌كا ئەفسەرێن سوپایێ ئیراقێ ل لیوایا مغاویران بەرتیل و پارە وەرگرتینە، د بەرامبەر دەوامنەكرنا كارمەندێن وێ لیوایێ.

هه‌روه‌سا گۆتییه‌: فەرمانا گرتنێ بۆ 28 ئەفسەرێن لیوایا مغاویر ل پارێزگه‌ها میسانێ هاتییه‌ دەركرن، ئەوێن پارە ژ كارمەندێن وێ لیوایێ وەرگرتین داكو ئه‌و كارمه‌نده‌ دەوامێ نەكەن.

دەستەیا ده‌ستپاکییا ئیراقێ گۆتییه‌ ژى، بەلگەیێن پێدڤی یێن وان ئەو گەندەلییان داینه‌ دادوەرى و فەرمانا گرتنێ بۆ وان 28 ئەفسەران هاتییه‌ ده‌ركرن.

ئەو ئه‌فسه‌ره‌ ل دووڤ مادێ 307 ژ قانوونا‌ سزایێن ئیراقێ هاتینه‌ تۆمەتبار كرن.