<h3 style="text-align: justify;"><span style="font-size: 18pt;">ئەندامهكێ كۆمسیۆنا مافێن مرۆڤى ل ئیراقێ ئاشكرا كر، رێژا هەژاریێ ل ئیراقێ د بلندبوونێ دایه و رۆژانه داهاتیێ 13 ملیۆن ئیراقییان دۆلارهك یان دوو دۆلارن.</span></h3> <h3 style="text-align: justify;"><span style="font-size: 18pt;">ئهڤرۆ شهمبیێ 27-2-2021، عەلی بەیاتی، ئەنداما كۆمسیۆنا مافێن مرۆڤى ل ئیراقێ راگەهاندییه: ژ ئهگهرێ رهوشا ئیراقێ و هاتنا ڤایرۆسێ كۆرۆنایێ و قەیرانا دارایی، رێژا هەژاریێ ل ئیراقێ گەهشتییە 34%، د نوكه دا رۆژانه داهاتییێ 13 ملیۆن ئیراقییان دۆلارهك ههتا دوو دۆلارانە.</span></h3> <h3 style="text-align: justify;"><span style="font-size: 18pt;">ههروهسا گۆتییه، ژ ئهگهرێ هەژاریێ توندوتیژییا خێزانى ل ئیراقێ گهلهك زێدهبوویه و تاوانێن گهلهك مهترسیدار یێن خێزانی دروست بووینە، ههروهسا قەدەغەیا هاتنوچوونێ و خرابییا رهوشا ئابووری، جارهكا دى دێ رهوشێ خراپتر لێ كهت و رێژا هەژاریێ و تاوانان دێ زێدهتر لێ كهت، دڤێت حكومەتا ئیراقێ بەرپرسیارهتییا ڤێ رهوشی بگریتە ستوویێ خوه.</span></h3> <h3 style="text-align: justify;"><span style="font-size: 18pt;">عهلى بهیاتى گۆت ژى: دانعهمر و زارۆك و ژن گهلهك رووبرووى توندوتیژیێ دبن، ل سالا بورى رێژا توندوتیژیێ ل ئیراقێ د بلندترین ئاستدایە، دەركرنا قانوونا بەرهنگاربوونا توندوتیژییا خێزانی، ل پەرلەمانێ ئیراق گهلهك گیرۆبوویه، د دهمهكى دا توندوتیژییا خێزانی ل ئیراقێ گهلهك بلند بوویه، راستە ل وهلاتێن دیتر ژى توندوتیژی هەیە، بەلێ ل وان وهلاتان سازى و فەرمانگەهێن تایبەتمەند هەنە بۆ پێشكەشكرنا هاریكاریێن دهروونی و جڤاكی بۆ كێمكرنا شوونوارێن توندوتیژیێ.</span></h3> <h3 style="text-align: justify;"></h3>
