دەمیرتاش: دەستهەلاتا توركیا چ نـیەتێن باش بۆ ئاشتیێ نینن

هەڤسەرۆكێ بەرێ یێ (هەدەپێ) دیار كرییه‌: دڤێت هەدەپە و هەموو هێزێن دى یێن دیمۆكراسی پتر بۆ ئاشتیێ خەباتێ‌ بكەن و نەخشە رێیەكێ بۆ دەركەفتنێ ژ ڤێ قەیرانێ‌ دیار بكەن.
سەلاحەدین دەمیرتاشى د نڤێسینەكێ دا كو ژ ئالیێ مالپەرێ (مەدیا سكۆپ) ڤە هاتییە بەلاڤكرن، بەحسێ رەوشا سیاسی و جڤاكی یا توركیا كرییه‌، رەخنێن توند ل دەستهەلاتا توركیا گرتینه‌ و گۆتییه‌، ژ بلی ئاشتی و پێكڤە ژیانێ، چ رێـكێن باشتر ل بەر وان نینن.
هه‌روه‌سا گۆتییه‌ ژى، دەستهەلاتا توركیا چ نـیەتێن باش بۆ ئاشتیێ نینن، ل توركیا تشتەك نینە كو دەستهەلات بۆ پاراستنا كورسییان و ب دەستخستنا دەنگان نەكەت، هەروەسا گۆتییه‌، نابیت جڤاك خوه‌ رادەستی ڤێ سیاسەتێ بكەت و وان پێدڤی ب ئیرادەكا جددی هەیە.
ده‌میرتاش دبێژیت ژى: پێدڤییه‌ هێزێن ئوپۆزسیۆنێ ئاشتیا ناڤخۆ بدەستڤە بینن، ل جهێ چەكى و توندوتیژیێ، دڤێت سیاسەتا دیمۆكراتی وەك رێبازا چارەسەریێ ببیتە بنیاتێ‌ خەباتێ‌ و دڤێت هەلویست و زمان ژی ل دووڤ وێ چه‌ندێ بهێنه‌ رێكخستن.