<h3 style="text-align: justify;"><span style="font-size: 18pt;"> د كۆنگرهیهكێ رۆژنامهڤانى دا سهرۆكێ ئێكهتییا تهپا پێیا كوردستانێ سهفین كانهبى و ل گهل 4 ئهندامێن دى ب فهرمى دهست كاركێشانا خوه ژ ئێكهتییا تهپا پێیا كوردستانێ راگههاند. ئهو ئهندامێن دگهل دا ژى ههر ئێك سهلام حوسێن وهكو سكرتێر و قاسم سالح و سیروان نهجهمهدین و دلشاد سالح وهكو ئهندام .</span> <span style="font-size: 18pt;">سهفین كانهبى د كۆنگرێ رۆژنامهڤانى دا دیاركر سوپاس بۆ ههر لایهنهكێ ل ماوێ بورى هاریكار بووى ل گهل ئهوان و ب شانازى ڤه شیان خزمهتا وهرزشى ل ماوێ بورى بكهن.</span></h3> <h3 style="text-align: justify;"><span style="font-size: 18pt;"> سهبارهت دهست كاركێشانا خوه ژى ناڤبرى دیاركر، وى ل سهر حهزا خوه دهست ژ كاركێشانا خوه راگههاندییه و كهسێ چ گڤاشتن ل وى نهكرینه بۆ دهست كاركێشانى و نوكه رهوشا وى یا ساخلهمییێ نه یا باشه ئهو دبینیت باشترین دهمه ئهو پۆوستێ خوه ب جهـ بهێلت و چهند كهسێن دى بهێن كاربكهن.</span> <span style="font-size: 18pt;">سهبارهت ئهندامێن دى ناڤبرى دیاركر چ گڤاشتن ل سهر وان ژى نهبوون لێ پشتى ڤێ بریارێ ئهوان ژى بریار دا ل گهل وى دهست ژ كاركێشانا خوه راگههینن و دهلیڤهیێ بدهنه هندهك ئهندامێن دى بهێن خزمهتا وهرزشى بكهن.</span> <span style="font-size: 18pt;">ههژى گوتنێ یه سهفین كانهبى ههر ژ سالا 2006 ههتا ئهڤرۆ 3-2-2021 سهرۆكێ ئێكهتییا تهپا پێیا كوردستانێ بوو.</span></h3> <h3 style="text-align: justify;"></h3> <h3 style="text-align: left;"><span style="font-size: 18pt;">خانی نیوز، ههژار مهعروف</span></h3>
