دهقێ پهیاما سهرۆك بارزانی ب ههلكهفتا سالڤهگهرا 30 یا سهرهلدانێ:
ب ناڤێ خودایێ مهزن و دلۆڤان
ب ههلكهفتا 30 سالییا سهرهلدانا مهزنا گهلێ كوردستانێ پیرۆزباهییێ ل مالباتێن سهربلندێن شههیدان و پێشمهرگێن قههرهمان و ههموو نشتیمانپهروهر و خهباتكهر و ئازادیخوازێن و ههموو چین و وهلاتیێن كوردستانێ دكهم.
سهرهلدان، رازی نهبوون ل سهر بندهستی و داگیركاریێ بوو، د ههمان دهم دا پێنگاڤهكا مهزنا بزاڤا رزگاریخوازا كوردی بوو بۆ دهستپێكا قوناغهكا گرنگ د خهباتا گهلێ وان دا، ئارمانجا سهرهلدانێ، ڤهگهراندنا ئاخ و مافان بوو بۆ گهلێ كورد، كو دهمهكێ درێژ بوو ب ئاگر و ئاسنی زۆرداری ل خهلكێ كوردستانێ دهات كرن، راپهرین بۆ هندێ بوو كو گهلێ كورد بكاریت ل سهر ئاخا خوه و د چارچۆڤێ پرۆسهیا دیموكراسی و دامهزراندنا دام و دهزگههێن شهرعی و ب ئازادی ب مافێن خوه بژیت.
سهرۆك بارزانی د تهمامیا پهیاما خوه دا دبێژیت: د ڤێ ههلكهفتا پیرۆز دا دوپات دكهین، كو پێدڤییه ئارمانج و بههایێن سهرهلدانێ بۆ ههتا ههتایێ بلند و بهرقهرا بن، ب چ شێوهیهكی نابیت ئارمانج و دهستكهفتێن سهرهلدانێ بۆ ئالییهكێ دی ببهن و د بابهتێن سنوردار دا بچوك بكهن، گهلێ كوردستانێ خهبات كریه و خوینا خوه رێشتییه داكو ب سهرباندی بژیت، ههر كهس و ئالییهكێ بزاڤان دكهت بهها و ئارمانجێن سهرهلدانێ كێمبكهت د راستیێ دا ئهو بێ پاكیێ ل ههمبهر خوینا شههیدان و ب دههان سالێن خهبات و قوربانیدانا گهلێ كورد دكهت، ل بهىرانبهر ژی ب سهدان هزار رۆلێن كوردستانێ د ئامادهنه بهرگریێ ژ بهها یێن بلندێن سهرهلدانێ بكهن.
