رێكخستا كۆمهلگهها مهدهنى راگههاند، ل سالا بوورى ب كێمی 840 رۆژنامهڤانان ل جیهانێ ژ ئهگهرێ كۆرۆنایێ گیانێ خوه ژدهست داینه.
رێكخستنا كۆمهلگهها مهدهنى كو ناڤهندا وێ ل باژارێ جنێڤ ل سویسرایه راگههاند؛ د سالا بوورى دا ل 68 وهلاتێن جیهانێ ب كێماسی 840 رۆژنامهنڤیسان ب ئهگهرێ ڤایرۆسێ كۆرۆنایێ گیانێ خوه ژدهست داینه كو ژ جهنگێ جیهانى یێ دوێ تا نها ئهڤه مهزنترین ههژمارا گیان ژدهست دانا رۆژنامهڤانایه هاتییه تۆماركرن.
د وێ روهنكرنێ دا هاتییه، ل دهستپێكا بهلاڤبوونا ڤایرۆسێ كۆرۆنایێ ددهمێ سالهكێ دا رۆژانه زێدهترى 2 رۆژنامهنڤێسان ب وى ئهگهرى گیانا خۆه ژدهست ددهن.
ل وهلاتێ ئهمریكا لاتین ب گیان ژدهست دانا 458 رۆژنامهڤانان بلندترین رێژه تۆماركرییه. ل كێشوهرێ ئاسیا 151 و ل ئهورۆپا 147 رۆژنامهڤان، ل ئهمریكا باكوور 45 و ل ئهفریقیا 39 رۆژنامهڤانان ژ ئهگهرێ ڤایرۆسێ كۆرۆنایێ گیانی خوه ژ دهست داینه.
ههر ل گۆرهى وێ روهنكرنێ وهلاتێ پیرۆ 108 رۆژنامهڤانان و ل بهرازیلێ 102، ل هندستانێ 56، ههروهسا ل ئیتالیا 46 و ل توركیا 21 رۆژنامهڤانان گیانێ خوه ژ دهست داینه.
ئاماژه ب وی یهكی ژى دایه، ل هندهك وهلاتان پشكنینا كۆرۆنایێ بۆ وان رۆژنامهڤانان نههاتییه كرن یێن گیانێ خوه ژ دهست داین، لهورا ئامارا وان رۆژنامهڤانێن ب كۆرۆنایێ گیانێ خوه ژ دهست داین گهلهك بلندتره یا هاتییه راگههاندن.
