200 سازیێن میدیایى دێ رۆمالا سه‌ره‌دانا پاپاى بۆ هه‌ولێرێ كه‌ن  

پاپا فرانسیس، پاپایێ ڤاتیكانێ سوبه‌ ئێكشه‌مبى، 7 ئادارا 2021ێ دێ گه‌هیته‌ هه‌ولێرا پایته‌ختێ هه‌رێما كوردستانێ و دێ مه‌زنترین مه‌راسیمێن ئایینى ل یاریگه‌ها فره‌نسۆ حه‌ریری ل ‌‌شارێ هه‌ولێرێ هێنه‌ گێران و پتر ژ‌ 200 ئاژانسێن نووچه‌یێن جیهانی و كوردستانی و ئێراقی دێ رۆمالا وێ سه‌ره‌دانێ‌ ‌كه‌ن.
بریاره‌ پاپا ب رێیا فرۆکخانا نێڤدەولەتی یا هەولێرێ ل سه‌عه‌ت 8:20 خولەكى سپێدێ بگه‌هیتە هەرێما كوردستانێ ‌و ژ لایێ به‌رپرسێن بلند یێن هه‌رێما كوردستانێ دێ‌ پێشوازی لێ هێته‌ كرن.
پاشى دێ ب رێیا فرۆكێ پاپا چیته‌ مووسلێ و پاشى دێ سەره‌دانا قەرەقوش كه‌ت، پشتى مەراسیمه‌كا ئاینی دێ ڤه‌گه‌ریته‌ڤه هەولێرێ و دێ ل یاریگه‌ها فرانسۆ حەریری مەراسیمه‌كێ به‌رفره‌هـ هێته‌ ساز كرن.
سه‌ره‌دانا پاپا فرانسیس، پاپایێ ڤاتیكان بۆ هه‌رێما كوردستانێ، جارا ئێكێ یه‌‌ سه‌ره‌دانا جهه‌كی دكه‌ت، كو ‌نه‌بوویه‌ ده‌وله‌ت.