ھەر خێزانەک دێ ١٠٠ ھزار دیناران وەرگریت

رێڤەبەریێ چاڤدێرییا گەشەپێدانا جڤاکی ل قەزا سێمێلێ ئاشکرا کر، نێزیکی ٣٠٠ خێزانان دێ د مفاداربن ژ وەرگرتنا کۆژمێ ١٠٠ ھزار دیناران و ئەڤ پارە نوکە یێ ل بانکێن سێمێل و دومیز دھێنه‌ بەلاڤکرن.
مەحمود حەسەن عومەر، رێڤەبەرێ چاڤدێرییا گەشەپێدانا جڤاکی ل قەزا سێمێلێ، ئەڤرۆ پشتی نیڤرۆ ٦/٣/٢٠٢١ بۆ خانی نیوز گۆت: بەری چەند ھەیڤان حکومەتا ھەرێما کوردستانێ وەک ھاریکاری بۆ تەخا ھەژار و کێم دەرامەتان ھەر خێزانەکێ ١٠٠ ھزار دیناران ب رێکا بانکان ل سەر بەلاڤەکرن، وی دەمی ھندەک ناڤ ھەبوون ب شاشى ھاتبوونە نڤیسین و ھندەک  دوبارە ببوون، ئەو ناڤێن شاش و دوبارە ھەمی ھاتنە پارڤەکرن و ناڤێن نوو ھاتنە جھێ وان و جارەکا دی ١٠٠ ھزار دینار بۆ ئەو ناڤێن نوو ھاتنەدان.

رێڤەبەرێ گەشەپێدانێ ل سێمێلێ دیار كر ژى، ل بانکا سێمێلێ ١٧٠ ناڤ بوون و ل بانکا دومیز ١٣٠ ناڤ بوون، ئانکو ب گشتی ل سێمێلێ ٣٠٠ ناڤ بووینە، ھەمان شێوە ل دھۆک و زاخو ژی ھەبووینە و ئەڤ ناڤە بۆ رێڤەبەریا گشتی بلندکرن و چوونە وەزارەتێ و جارەکا دى ڤەگەریان و ڤێ حەفتیێ ئەو خێزان ھەموو دێ پارێ خوە وەرگرن.
ناڤبری خویا كر، ھەیڤێن بووری ھەتا ٥٠٠٠ ھزار خێزانان ل قەزا سێمێلێ مفادار بوون ژ وەرگرتنا ١٠٠ ھزار دیناران، هه‌روه‌سا هاریكاریێن خوراكى ژی ل سەر ئەڤان خێزانێن کێم دەرامه‌ت و ھەژار ھاتنە بەلاڤەکرن .

خانی نیۆز، سالار محەمەد دۆسکی: