ئه‌ڤرۆ 9 ئادارا 2021 د رێره‌سمه‌كێ دا، شۆرش ئیسماعیل، وه‌زیرێ پێشمه‌رگه‌ی یێ حكومه‌تا هه‌رێما كوردستانێ، ب ئاماده‌بوونا سه‌ربه‌ست له‌زگین، بریكارێ وه‌زاره‌تێ و ئه‌میندارێ گشتی و سه‌رۆكێ ده‌سته‌یا ئه‌ركانان و راوێژكارێن سه‌ربازی، ئیمزا ل سه‌ر ره‌شنڤیسێ چه‌ندین پڕۆژێن هێزێن ئه‌لمانیا بۆ وه‌زاره‌تا پێشمه‌رگه‌ى هاته كرن.
د وان گوتۆبێژان دا وه‌زیرێ پێشمه‌رگه‌ى ل گه‌ل كۆلۆنێل هۆلگه‌ر كونكل، فه‌رماندێ هێزێن ئه‌لمانیا فیدرال ل هه‌رێمێ، كارتین جاسشكێ، جێگرێ كونسولێ ئه‌لمانیا ل هه‌ولێرێ، ئه‌و پێنگاڤێن ده‌وله‌تا ئه‌ڵمانیا ب گرنگ وه‌سفكرن و گۆت: شانازیێ ب دۆستایه‌تییا ژ مێژه یا هه‌وه دكه‌ین و ب رێیا ره‌شنڤیسى وان پڕۆژێن مه پێشكێش كرین، هێزا پێشمه‌رگه‌ى به‌ره‌ف قۆناغه‌كا گه‌شتر و پێشڤه‌چوونێ دچیت.
فه‌رماندێ هێزێن ئه‌لمانیا ل هه‌ولێری گۆت: وه‌لاتێ وى دێ ژ هاریكاری و هه‌ماهه‌نگییا هێزێن پێشمه‌رگه‌ى و حكومه‌تا هه‌رێما كوردستانێ یا به‌رده‌وام بیت، سه‌ره‌راى پشكدارییا وان یا بوورى د پڕۆسا چاكسازی و مه‌شق و راهێنانان دا.
د هه‌مان ده‌مدا وه‌زیرێ پێشمه‌رگه‌ى گۆت: پێكڤه هه‌ڤبه‌شێن گرنگ و كاریگه‌ری یێن ئیكین ژ پاراستنا سه‌قامگیری و ئاسایشا ڤێ ده‌ڤه‌رێ و تێكشكاندنا تیرۆریستان، ب ناڤێ گه‌ل و حكومه‌تا كوردستانێ و هێزێن پێشمه‌رگه‌ى، سوپاسییا گه‌ل و حكومه‌تا ئه‌لمانیا و سوپایێ وه‌لاتێ وان دكه‌ین، ژ بڕیارا په‌رله‌مانێ ئه‌لمانییا بۆ مانا هێزین وان ل هه‌رێمێ و هاریكاری و هه‌ماهه‌نگییا وان ل گه‌ل هێزێن پێشمه‌رگێ كوردستانێ
