نزار سورچی، بریاردەرێ لژنا باژێرڤانییان ل پەرلەمانێ کوردستانێ تایبەت ب خانی نیوز گۆت، ئەڤرۆ سێشەمبی ئەو وەکو لژنا باژێرڤانییان ل پەرلەمانێ کوردستانێ کۆمبوونەک ل دۆر دووماهیک راپۆرت ل سەر هەموارکرنا یاسایا ژمارە 3 یا سالا 2019ێ یا تایبەت ب یاسا تاپۆکرنا خانیێن زێدەگاڤی ئەنجامدا، و تێدا گەنگەشە ل سەر بابەتی هاتە کرن و هندەک گۆرانکاری ب سهر وى یاساى دا هاتن.
نزار سورچی ئەویەکژی ڕاگەهاند، دەربارەی ئەو ماددهیێن کو بەحس ل هەموارکرنا وان دهێتە کرن بۆ وێ مەرەمێ یە کو ئەڤ یاسایە د بەرژەوەندییا هاولاتیاندا بن، گۆتژی ئێک ل وان ماددان ئەوە کو ژبەر بەلاڤبوونا ڤایرۆسێ کۆرۆنایێ ئەو ماوەیێ هاتییە دیارکرن کو 120 ڕۆژ بوون ب تەمامی مفا لێ نەهاتە وەرگرتن و ب سەرڤەچوو، وان د نوکە دا ئەڤ ماوەیە بۆ سالەکێ دڕێژکریه کو دبیتە 366 ڕۆژ.
ناڤبری گۆتژی، ژبلی دڕێژکرنا ماوێ تاپۆکرنێ ئەو دێ ماددهیێ دیارکرنا ڕێژا پارەی و مەتران بۆ تاپۆکرنێ د بەڕژەوەندییا وەلاتییان دا گهۆرن و کار ئاسانیێ بۆ وەلاتییان کەن، و ئەڤە وەکی دووماهیک راپۆرت بۆ هەمواركرنێ دێ هێتە ئامادەکرن.
