ئەڤرۆ سێشەمبی جڤاتا وەزیرێن ئێراقێ دەنگ ل سەر بریارەکێ دا بۆ قەرەبووکرنا کەسوکارێن قوربانیێن ڤایرۆسێ کۆرۆنایێ و وان کارمەندێن وەزارەتا ساخلەمیێ و ژینگەھا ئێراقێ دا كو ب ئه‌گه‌رێ ڤایرۆسێ كۆرۆنایێ بووینه قوربانى.
ل دووڤ بەیانا جڤاتا وەزیرێن حکومەتا ئێراقی پێشنیارا حەسەن تەمیمی وەزیرێ ساخلەمیێ و ژینگەھا ئێراقێ پەسەند کریە بۆ پێدانا کوژمەکێ پاره‌ى ب سەر کەسوکارێن وان کارمەندێن وەزارەتێ ژبەر ڤایرۆسا کۆرۆنایێ گیانێ خوه ژدەست داین، ئەڤەژی وەکی جۆرە قەرەبووکرنێ یە و پاداشتا وێ خزمەتا قوربانییان پێشکێشی ولاتیان کری. د پێشنیارێ دا ھاتییە کو کوژمێ دەهـ ملیۆن دینارێن ئێراقی دەنە کەسوکارێن ھەموو کارمەندێن ساخلەمیێ کو ب ڤایرۆسێ کۆرۆنایێ گیانێ خوه ژ دەست داین.
