ئهڤرۆ سالڤهگهرا 51 سالییا رێكهفتنا 11 ئادارا سالا 1970ێ یه كو دهستكهفتهكا دیرۆكى یا شۆرهشا مهزن یا ئهیلولێ یه ب سهركرداتییا بارزانیێ نهمر.
خهبات و تێكۆشانا گهلێ كوردستانێ، حكومهتا وى دهمى یا ئیراقێ نهچاركر كۆ بۆ ئێكهم جار ب شێوهیهكێ فهرمى دانپێدانێ ب پشكهكا مافێن نهتهوهى یێن گهلێ كوردستانێ دا بكهت، لێ جهێ داخێ یه حكومهتا ئیراقێ ئهو رێكهفتن پێشێلكر و پهشێمان بوو و پهنا بۆ كارێ توندوتیژى و شهرى دناڤ خهلكێ كوردستانێ دا برن.
رێكهفتنا 11 ئادارێ، بهرههمێ خهبات و قوربانیدانا ههموو تهخ و چین و پێكهاتێن جودا یێن خهلكێ كوردستانێ و داخوازییا گهلێ كوردستانێ بوو ژ بۆ پێكڤه ژیانا ئاشتییانه و رهتكرنا شهر و مال وێرانییێ بوو.
ب ڤێ ههلكهفتێ، دوپاتییێ ل سهر چارهیا بنهرهتى یا كێشهیێن خوه دگهل حكومهتا فیدرال دكهین ل سهر بنهمایێ پاراستن و دابینكرنا مافێن دهستوورى یێن گهلێ كوردستانێ و چهسپاندنا بنهمایێن سیستهمێ فیدرالى ل ئیراقێ.
