كازمی بانگه‌وازی ئاراسته‌ی هه‌موو لایه‌نێن ئیراقێ كریه‌

 
مسته‌فا كازمى: گۆتوبێژێن نیشتمانی ده‌رباره‌ی چاره‌سه‌رییا كێشه‌ێن هه‌ولێرێ و به‌غدانه‌.

مسته‌فا كازمی، سه‌رۆك وه‌زیرێن ئیراقێ بانگه‌وازه‌ك ئاراسته‌یى سه‌رجه‌م لایه‌نێن سیاسیێن ئیراقێ كر، بۆ هندێ گۆتوبێژا نیشتمانی ده‌ر‌باره‌ی چاره‌سه‌رییا ئاریشێن هه‌ولێر و به‌غدایێ ده‌ست پێ بكه‌ن.
ل هه‌رێما كوردستانێ‌، سه‌رۆك وه‌زیرێن هه‌رێما كوردستانێ مه‌سرور بارزانی، د په‌یامه‌كێ دا پێشوازی و پشته‌ڤانى بۆ بانگه‌وازییا مسته‌فا كازمی ده‌ربڕی.
ل ئیراقێ هه‌ڤپه‌یمانییا فه‌تح ل پێشییا ئه‌وان لایه‌نانه‌، كو بانگه‌وازییا كازمى بۆ دانوستاندنێ ره‌تكرییه‌‌. دیارترین پشته‌ڤانێن پڕۆژێ كازمی ل به‌غدا، پشته‌ڤانییا سه‌رۆكێ ره‌وتا حیكمه‌ عه‌مار حه‌كیمه.‌
د به‌رامبه‌ردا خۆنیشانده‌رێن ئیراقێ، هه‌تا نوكه‌ ب روونی پشته‌ڤانیی بۆ دانووستاندنان و گۆتوبێژێن نیشتمانی ده‌رنه‌بڕییه‌‌ و ئه‌وان وه‌كى ژێده‌رێن‌ میدیایێن ئیراقیێ باس لێ كرییه‌‌، ره‌تكرییه‌ كو چ گۆتوبێژه‌ك ل گه‌ڵ مسته‌فا كازمی بكه‌ن، ئه‌گه‌ر كازمی بكوژێن خۆنیشانده‌ران راده‌ستی یاسایێ نه‌كه‌ت.
هه‌روه‌سا ژماره‌كا گروپێن چه‌كداران، ره‌تكرییه‌ كو بچنه‌ پرۆسه‌ییا گوتوبێژا نیشتمانیی، ب‌ سه‌رپه‌رشتییا كابینه‌یا نوكه‌یا مسته‌فا كازمی.
هه‌ر ئێك ژ كوتله‌ێن سیاسیێن (سائیرون، ئێراقیه‌، نه‌سر، محوه‌ری وه‌ته‌نی) هه‌ڵوێستێ خوه‌ سه‌باره‌ت ب پشته‌ڤانییا ئه‌وى پڕۆژه‌ى رانه‌گه‌هاندییه‌. ‌