گهلهك ژ مە نەڤیێن رابردووینە و گهلهك بیرەوەری دگەل شەریتا کاسێتێ ھەیە، چونکی ل سالێن بوری دا ژبەر نەبوونا شەریتا سی دی و بکارئینانا ئینتەرنێتێ بۆ گوھلێبوونا سترانان و موزیکێ، پتریا خەلکی شەریتێن کاسێتان بکاردئینان د ناڤ مالێ دا و د ناڤ ترۆمبێلێ دا و ب تنێ كو گوھدارییا سترانان بن دەمێ خوه ل سەر بوراندیە.
داھێنەرێ شەریتا کاسێتێ زەلامەکێ ھۆلەندیە و ناڤێ وی (لوئاوتنز) کار وی ئەندازیاری بوویە، د سالێن شێستان دا ددەمێ بوری دا بۆ ئێکەم جار شەریتا کاسێتێ درستکریە، ب جۆرەکی وێنا دگریت کو بووی دەمێ شۆرەشەکا مەزن بۆ گوھداریکرنا سترانا و موزیکێ و کار ل سەر دەنگی ھەر ب ڤی شێوەی ھاتبوو کرن.
ب گۆتنا نوچەکێ مالپەرێ دەیلی مەیلی یا بریتانی، لۆ ئاونتز ھەتا نوکە نێزیکی 100 ملیار شەریتە ئێخستنە بازارێن جیھانێ دا. کەسوکارێن وی راگەھاندینە کو لو ئاونتز ل دووماھییا حەفتییا بوری د تەمەنێ 94 سالیێ دا ل مالا خوه ل دەڤەرا دوزیل وەغەرا دووماھیێ کریە و دیارکریە ل سالا 1963 دا ئێکەم شەریت دروست کریە و ئێخستییە بەر دەستێ بکارھێنەران و ئێکەم جار پارچە سترانەک و موزیکەک ل سەر تۆمارکریە. ئاوتنز ل سالا 1960 د گەل کۆمپانییا فلیپس کاردکر و ل سالا 1963 د تەمەنێ 34 سالی دا ئێکەم شەریتا کاسێتا درستکریە و ل پێشانگەھەکا ئەلیکترونی یا ل بەرلینێ نمایش کریه، ھەر زوو پێشوازییەکا گەرم ل وی داھێنەری و بهرههمێ وى ھاتە کرن و د ناڤ جیھانێ دا بەلاڤبوویە.
