شەپال حه‌سه‌ن دێ بیتە پەرلەمانتارا ئیراقێ

شەپال حەسەن بۆ خانی نیوز دیارکر: ئەو ژلایێ ئۆفیسا دهۆک یا کۆمسیوونا هەلبژارتنێن ئیراقێ ڤە هاتییە ئاگەهدارکرن کۆ ل دووڤ رێزبەندییا لیستا بەربژێران، پشتی وەغەرکرنا پەرلەمانتار د.ئارام ناجی بالەتەیی، حاکم عەبدولرەحمان دهێت، لێ وی داخوازا لێبورینێ ل مافێ خوە کرە.
پشتی حاکم عەبدولرەحمان تەنازل ژ مافێ خوە کری، مافێ شەپال حەسەن دهێت کۆ 14 هزار 422 دەنگ بربوون.
ناڤبری خویارکر: بۆ ب رێڤەبرنا رێکارێن یاسایی بریارە سۆبەهی سەرەدانا بەغدایێ بکەت.

خالد عەباس رێڤەبەرێ ئۆفیسا دھۆک یا کۆمسیۆنا ھەلبژارتنێن ئیراقێ تایبەت بۆ خانی نیۆز گۆت: شەپال حەسەن دێ ل جھێ پەرلەمانتارێ ئیراقێ یێ وەغەرکری یێ پارتی د. ئارام بالەتەیی بیتە پەرلەمانتار.
رێڤەبەرێ ئۆفیسا دھۆک یا کۆمسیۆنا ھەلبژارتنێن ئیراقێ دیارکر ژی، پێشبینی دھێتە کرن شەپال حەسەن د ڤێ حەفتیێ دا سۆندا یاسایی یا پەرلەمانتاریێ ل بۆ پەرلەمانێ ئیراقێ بخۆت.