تۆڕا چاڤ بۆ چاڤدێریا هەلبژارتنان و دیموکراسیێ هاتە ڕاگەهاندن

ئەڤرۆ د پرێسكۆنفرانسه‌كی دا ل ئاڤاهیێ رێکخستنا ئەلند بۆ دیموکراسیکرنا گەنجان  و ب ئامادەبوونا ئەندامێن دەستەیا دامەزرێنەر یێن تۆڕا چاڤ بۆ چاڤدێریا هەلبژارتنان و دیموکراسیەتێ هاتە ڕاگەهاندن.

سەربەست ئامێدی، سەرۆکێ تۆرا چاڤ ڕاگەهاند؛ تۆڕا وان د چوارچوڤێ هەڤرکیا هەلبژارتنان و بەرەڤ هەلبژارتنێن ئازاد و پاقژ، تۆرەکا ئیراقی، کوردستانی نە حکومی سەربەخۆ، خۆبەخش و هیڤیخواز ژ ئالیێ کۆمەکا رێکخستنێن کۆمەلگەها مەدەنی یێن کارا د باشترکرنا کەتوارێ ژینگەها دیموکراسی و پێشخستنا پرەنسیپێن مافێ مرۆڤی دا ل ئیراقێ و کورستانێ .

ناڤبری دیارکرژی، ئه‌و تۆره‌ ل 13 مەها ئادارێ یا ئەڤ سالە هاتییە دامەزراندن و 14 رێکخستنان ب خوەڤە دگریت و مەرەم ژ دامەزراندنا وێ ئەوە کو پرەنسیپ و تێگەهێن دیموکراسیەتێ لدووڤ پیڤەرێن ناڤده‌وله‌تی بهێنە بجهئینان، ژوان ژی هەلبژارتن، کو سندۆقا هەلبژارتنان دەربڕینەکا راست بیت ژ دەنگ و دیتنێن وه‌لاتیان ژبۆ دەولەتەکا دیموکراسی.

خانی نیوز ، سەعد عاسف