پەرلەمانێ ئیراقێ شكه‌ستن د‌ په‌سەندكرنا قانوونا دادگه‌ها فیدرالى دا ئینا

جڤاتا نوونەرێن ئیراقێ د روونشتنا ئاساییا خوه‌ دا، نه‌شییا پڕۆژە قانوونا دادگه‌ها بلند یا فیدڕالی پەسەند بکه‌ت، ئەڤه‌ جارا دوویێ یه‌ ئه‌و جڤاته‌ شكه‌ستنێ دئینیت د په‌سه‌ندكرنا وێ قانوونێ ‌دا.

زافر عانی، ئەندامێ ھه‌ڤپەیمانییا ھێزێن ئێراقى ل جڤاتا نوونەرێن ئێراقێ ل ھژمارا خوه‌ یا تایبەت ل تۆرا جڤاكى یا تویتەرى به‌لاڤكرییه‌، جڤاتا نوونه‌ران ل روونشتنا دوهى سێشەمبى دا، ژ ئه‌گه‌رێ ته‌مامنه‌بوونا رێژا قانوونى د ئامادەبوونا دوو ل سەر سێ یا ئەندامان دا، نەشییا پڕۆژە قانوونا دادگه‌ها بلند یا فیدرالی پەسەند بکه‌ت.

  ئه‌و ژى گۆتییه‌، ھێشتا ناکۆکیێن لایەنێن سیاسى ل سەر سێ ماددەیێن سەرەکی د ناڤا وى پرۆژه‌ى دا د بەردەوامن، ئەڤه‌ جارا دوویێ یه‌ جڤاتا نوونه‌ران نه‌شێت وى پرۆژه‌ى پەسەند بکه‌ت.