<h3 style="text-align: justify;"><span style="font-size: 18pt;">دۆزگه‌رێ گشتى یێ توركیا ب نڤیساره‌كا فه‌رمى داخواز ژ دادگه‌ها بلندا وه‌لاتێ خوه كرییه، داوی ب پارتا هه‌ده‌پێ، وه‌ك پارته‌كا سیاسى بهێته دان و ب ئێكجارى بهێته هه‌لوه‌شاندن.</span></h3> <h3 style="text-align: justify;"><span style="font-size: 18pt;">دۆزگه‌رێ گشتی یێ توركیا به‌كر شاهین، دوهى چارشه‌مبیێ داخوازا خوه ره‌وانه‌ى دادگه‌ها بلندا توركیا كریه و تێدا نڤێسییه، ئه‌ندامێن هه‌ده‌پێ دگه‌ل په‌كه‌كێ و رێكخستنێن دی یێن سه‌ر ب په‌كه‌كێ ڤه كاردكه‌ن بۆ هه‌لوه‌شاندنا ده‌وله‌تا توركیا، ژبه‌ر ڤێ چه‌ندێ داخوازا داخستنا ڤێ پارتێ دكه‌ن.</span></h3> <h3 style="text-align: justify;"><span style="font-size: 18pt;">داخوازا دۆزگه‌رێ گشتى یێ توركیا پشتى وێ یه‌كێ دهێت كو په‌رله‌مانێ توركیا پارێزبه‌ندی ل سه‌ر په‌رله‌مانتارێ هه‌ده‌پێ عومه‌ر گه‌رگه‌لى ئوغلو راكرى كو پێشتر ل سالا 2018 ێ ب حوكمێ ساله‌ك و 10 مه‌هان هاتبوو زیندانكرن.</span></h3>
