رۆژنامهنڤیس (عەلاء ئەحمەد ئەلطائی) پشتى سهرهدانا وى بۆ دهوكێ و ڤهگهریانا وى بۆ پارێزگهها خوه ئهنبارێ نڤێسینهك ب ناڤ و نیشانێن ل (دهوكێ من چ دیت) بهلاڤكرییه.
ئهو رۆژنامهنڤیسه دبێژیت: پشتى كو من سهرهدانا باژێرێ دهۆكا خۆشتڤى كرى چهند تشتهك من دیتن، ژ وان ژى من نهدیت چ كهسهك و دوكانهك و خانییهك ژى نهدیتن كو زێدهگاڤى كربیته سهر پهیادهى، و چ دیاردهیا ههلگرتنا چهكى نهبوو، ژبلى هێزێن ئێمناهیێ نهبن، و چ كهسهك ژى من نهدیت كو گلێشى پاڤێژیته سهر جادهیى یان ژ ترۆمبێلێن خوه گلێشى بهاڤێژیت، و مه نه دیت ژى چ كهسهك تهقێ بكهت بۆ ههر ئهگهرهكێ ههبیت ژى، و ب زحمهت من گوهـ ل هۆرنا ترۆمبێلان بوو، ئهڤه ژى بابهتهكێ زۆر سهیر بوو، و د چ جاده و گهرهكاندا من نه دیتن كو یا داخستى بیت ژ بههییا یان شەهییان یان كۆمبوونێن حكومى و ههموو رێك ژى د ڤهكرى بوون.
ههروهسا بهردهوامیێ د دهته ئاخفتنا خوه و دیاردكهت، كو من چ وێنه و پۆستهر و درۆشم و ئالایهك نه دیتن كو ببنه ئهگهرێ تێكدانا باژێرى، و دبێژیت داكو ل گهل ههوه یێ راستگۆ بم، ئالایێ ئیراقێ من دیت ب تهنیشت ئالایێ كوردستانێ ل سهر ئاڤاهیێن حكومى د دانایى بوون.
گۆت ژى، ل دهمێ د جاددەیان دبورى، زۆربهیا شوفێران دێ بۆ ته رادوهستن، ههتاكو دهرباز دبى، و بهردهوام پۆلیسێن هاتن و چوونێ د ئهركى دابوون و ب تایبهت د شهڤێ ژى دا.
ل دووماهییی گۆتییە ژی، هیڤیدارم ئهڤێ چاكییێ و پێشكهفتنێ ل باژێرێن خوه ژی دا بینین.
