پەرلەمانتارێ هەدەپێ فەرهاد ئەنجو دەربارەیی نەورۆزا ئامەدێ یا ئەڤ سالە دێ جودابیت ژیێن ساڵابوری ژبەرکو دێ ب ملیۆنا خەلک و سیاسەتمەدار هەمی پارتێن کوردی گەل هندەک پارتێن بیانی یێن دەرڤەیی تورکیا ژی دێ بەشداربن و دێ پتر گرنگیێ ب ئێکرێزییا کوردان دەین .
پەرمانتار فەرهاد ئەنجو زانیاریێن تایبەت بۆ خانی نیوز دانە دیارکرن کو نوونەرێن پارتێن کوردی ب تایبەت هەدەپێ پێش وەخت وەک بەرهەڤی بۆ نەورۆزا ئامەدێ وان بەلاڤۆکێن تایبەت ل هەمی گوند و باژێران بەلاڤکرینە کو خەلک بەشداری نەورۆزێ ببن.
ئەنجویی ئەو چەندە ژی پێشبینی کرن ب ملیۆنا کەس بەشدار ببن د مەیدانا ئامەدێ دا ژپێخەمەت هەلکرنا ئاگرێ نەورۆێ و دیسان د ناڤا ڕێ وڕەسمێن ئاهەنگێ دا دێ چەندین پەیامێن گرنگ هێنە خواندن ل سەر ئێکرێزییا کوردان وەک هەلویستەکێ نەتەوی.
ژلایەکێ دیڤە ئەنجویی گۆت، ل هەمبەری وێ سیاسەتا تورکێن ڕەگەزپەرست ل دورفشارێن دەولەتا تورکیا ل سەر هەدەپێ ب تایبەتی و ل سەر داگیرکارییا تورکیا بۆ بەشێن ڕۆژئاڤا و باشورێ کوردستانێ دێ ئێنە پرۆتەستوکرن، فەرهادی ل دووماهیێ گوت هیڤیا مە ئێک ڕێزییا گەلێ کوردە.
خانی نیوز، نزار مەجید
