كۆمبوونا په‌رله‌مانێ ئیراقێ ل دۆر بودجه‌ی سه‌عه‌ت 10 ناهێت كرن

كۆمبوونا جڤاتا نوونه‌رێن ئیراقێ سه‌عه‌ت 10 ل دۆر بودجه‌ی ناهێـ كرن ژبه‌ر كو هنده‌ك كۆمبوونێن شیعه‌ و سوننه‌یان مانه‌.

بڕیاربوو‌ ئه‌ڤرۆ سه‌عه‌ت 10ێ سپێدێ، جڤاتا نوونه‌رێن ئیراقێ بۆ ده‌نگدانێ ل سه‌ر پرۆژه‌قانوونا بودجا گشتى كۆمبیت لێ ژبه‌ر كو هه‌ژماره‌كا كۆمبوونێن سوننه‌ و شیعه‌یان مانه كۆمبوون سه‌عه‌ت 10 ناهێت كرن‌.

فه‌رمانگه‌ها راگه‌هاندنا جڤاتا نوونه‌ران ئاشكراكر، ژئه‌گه‌رێ به‌رده‌وامیا دانوستاندنێن دناڤبه‌را په‌رله‌مانتاران و لژنا داراى و ته‌مامكرنا هویركاتیان ،كۆمبوونا جڤاتا نوونه‌ران شڤێدی بۆ ئه‌ڤرو هاتبوو‌ پاشخستن.

هه‌رچه‌نده‌ د كۆمبونا شه‌ڤا بوورى یا جڤاتا نونه‌ران دا، ماددێ 11 یێ پرۆژه‌ قانوونا بودجێ هه‌رێما كوردستانێ په‌سه‌ندكر، لێ عوده‌ى عه‌واد، په‌رله‌مانتارێ هه‌ڤپه‌یمانییا فه‌تح ئاماژه ‌ب هندێ كر، ده‌ست ب كۆمكرنا ئیمزایێن په‌رله‌مانتاران كرییه‌، بۆ دوڤچوونا مادده‌ى.