ئەڤرۆ و ئامادەبوونا هەژمارەکا زۆر یا کەسایەتیێن حکۆمی و حزبی و لەشکەری کو هەر ئێک ژ نوونەرێ سەرۆک بارزانی و نوونەرێ سەرۆکێ هەرێما کوردستانێ و نوونەرێ سەرۆکێ حكومەتا هەرێما کوردستانێ ل گۆندێ بانیێ مەراسیمەک هاتە ب رێڤەبرن بۆ راکرنا پەردەی ل سەر گۆرێن سیمبولیکی یێن دوو شەهیدێن گۆندێ بانیێ شەهید وەیسی بانی و شەهید عیسا بانی کو تا نها لاشەیێن وان نەهاتینە دیتن.
د رێورەسمێ دا مالباتا شەهیدان پەیڤا خوە پێشکێش کرن و خوەشحالیا خوە دەربری، و پاشی هەر ئێک ژ نوونەرێ سەرۆک بارزانی، عەبدولموهەیمەن بارزانی و عەزیز وەیسی فەرماندەیێ زێرەڤانی و عەلی تەتەر پارێزگارێ دهۆکێ پەیڤا خوە پێشکێشکرن و پاشان د رێپیڤانەکێ دا بۆ سەر گۆرێن هەردوو شەهیدان پەردە ل سەر گۆرێن وان هاتنە راکرن.
شەهید وەیسی بانی ل سالا 1978 و شەهید عیسا بانی ل سالا 1974 ل رێکا بزاڤا رزگاری خوازا کوردستانێ دا هاتبوونە شەهیدکرن و تا نها تەرمێن وان نەهاتینە دیتن.
