مێركل: ل توركیا رێز ل مافێ مرۆڤى ناهێت گرتن 

ئەنگێلا مێرکڵ، شیره‌تكارا ئه‌لمانیا ره‌خنه‌ ل رەوشا مافێ مرۆڤى ل توركیا گرتن و  گۆت: د وى وه‌لاتى دا بنپێكرنێن به‌رچاڤ یێن مافێن مرۆڤى دهێته‌كرن.

مێركلێ به‌رى پشكداریكرنێ د كۆمبوونا لوتكه‌یا ئێكه‌تییا ئه‌وروپا دا ل په‌رله‌مانێ وه‌لاتێ خوە بکەت وێ ل به‌رلینێ گوتاره‌ك پێشكێش كر و تێدا  به‌حس ل ئه‌جیندایا كۆمبوونا لوتكه‌ یا ئێكه‌تییا ئه‌وروپا  كر و ئاماژه‌ ب وێ یه‌كێ كر، ژ وان پرسێن سه‌ركرده‌یێن ئه‌وروپا د لوتكه‌یێ دا گۆتوبێژ دکەن پرسا پێداچوونا په‌یوه‌ندیێن ئێكه‌تییا ئه‌وروپایه‌ دگه‌ل توركیا، هه‌روه‌سا ئاخڤتن ل سه‌ر ره‌وشا مافێ مرۆڤى ب گشتى ل وى وه‌لاتى.

مێرکلێ د گوتارا خوه‌ دا ره‌خنه‌یێن دژوار ل ئه‌نقه‌ره ‌گرتن و گۆت: ئه‌وروپا دل گرانه‌ ژ بۆ ره‌وشا مافێ مروڤى ل وى وه‌لاتى.