كۆڵبه‌ره‌ك ژ سه‌رما دا ره‌ق بوو

ڕێكخراوا مافێن مرۆڤی: د ساله‌كێ دا 67 كۆلبه‌ر و كاسبكارێن كورد مرینه‌

ڕێكخراوا مافێن مرۆڤی هه‌نگاو راگه‌هاند: كۆڵبه‌ره‌كی ته‌مه‌ن 35 ساڵ ل ده‌مێ كۆڵبه‌ريێ دا ل سنورێن باژێرێ سه‌ڵماس به ئه‌گه‌رێ سه‌رمایێ گیانێ خوه‌ ژ ده‌ست دایه‌.

ل دووڤ راپورته‌كا رێكخراوا مافێن مرۆڤى هه‌نگاو، كۆلبه‌ره‌كێ خه‌لكێ سه‌لماس ب ناڤێ فه‌هیم مامدی قزل كه‌ند ل ده‌مێ  كۆڵبه‌ریێ دا، ژبه‌ر تاریاتیێ رێكا خوه‌ به‌رزه‌ دكه‌ت و ژ سه‌رمادا ره‌ق دبیت. ته‌رمێ وى بۆ نه‌خۆشخانا ناڤه‌ندییا سه‌لماس هاتییه‌ ڤه‌گۆهاستن و هه‌تا نوكه‌ راده‌ستى بنه‌مالا وان نه‌كرییه‌.

 ل دووڤ داوى ئامارێن رێكخراوا مافێن مرۆڤى هه‌نگاو، كو د ماوێ 21ێ ئادارا 2020 هه‌تاكو 21ێ ئادارا 2021 دا، 67 كۆڵبه‌ر و كاسبكارێن كورد مرینه‌.